சுப்ரபாரதி மணியன்

புகையிலை வரலாறு கட்டுரை தொகுப்பு இரா. காமராசு / சுப்ரபாரதிமணியன் தொகுப்பில் புகையிலை ஒரு நுகர்வோர் பண்பாட்டு ஆய்வு என்ற தலைப்பில் செய்த ஆய்வின் தரவுகளை ஒரு நூலாக தந்து நம்மை மகிழ்ச்சிப்படுத்தி இருக்கிறார் .புகையிலை சாகுபடி குறித்த நிறைய விபரங்கள் புகையிலை எப்படி பயன்பாட்டிற்கு வந்தது. அது சார்ந்த தொன்மக்கதைகள் நிரம்ப உண்டு . புகையிலை என்பது தவறான காரணங்களுக்காக மிகவும் பிரபலமடைந்த தாவரமாக கருதப்படுகிறது. ஆனால் இன்றைக்கு சாதாரணமான பயன்பாட்டு தாவரம் என்றாகிவிட்டது இந்த புகையிலை சார்ந்த பல நாட்டு தொன்மக் கதைகள் எல்லாமே விரிவாக சொல்லப்பட்டிருக்கின்றன. சுவாரஸ்யமாக சொல்லப்பட்டிருக்கின்றன அந்த கதைகள் மூலமாக அந்த மக்களுடைய வாழ்க்கையை தெரிந்து கொள்ள முடிகிறது இலங்கையில் உள்ள யாழ்ப்பாணத்தின் புகையிலை தமிழகத்தில் ஊடுருவியது. கேரளா பயன்பாடு முதல் கொண்டு சுவாரஸ்யமான நிறைய பதிவுகள் உள்ளன. இவற்றையெல்லாம் சுவாரஸ்யமாக எடுத்துச் சொல்லும் போது புகையிலையின் தீமைகள் குறித்தும் சொல்லாமல் இருக்க முடியாது. அது ஒரு கடமையாக அமைகிறது அப்படித்தான் புகையிலை மருந்து பொருளாகவும் இருப்பதைப் பற்றி சொல்லுகிற அதே வேளையில் அது தரும் நோய்களைப் பற்றியும் சிறப்பாக சொல்லியிருக்கிறது இதுபோன்ற ஆய்வுகளும் நமக்கு பல்வேறு பயன்பாட்டில் உள்ள பொருட்களுடைய வரலாற்றை பற்றி சுலபமாக சொல்லும் அந்த வகையான நூலாக இருக்கிறது. தொடர்ந்து இந்த நூலை பற்றி நண்பர்கள் பேசிக் கொண்டிருக்கிறார்கள். வெற்றிலை சார்ந்தும் இதே போல ஒரு வரலாறும் இரா காமராசு எழுதியிருக்கிறார் என்று கேள்விப்பட்டேன். சுவாரஸ்யமான தகவல்கள் கொண்டு கடுமையான உழைப்பையும் கொண்டுஇந்த நூல் உருவாகியிருக்கிறது. நாட்டுப்புறவியல், படைப்பிலக்கியம் சார்ந்த செயல்பாடுகள் தாண்டி இரா காமராசு அவர்களின் . இவ்வகை முயற்சிகள் நமக்கு அவசியமாகப்படுகிறது. ( இந்த நூல் உயிர் பதிப்பகம் வெளியீடு ரூபாய் 200 )