சுப்ரபாரதி மணியன்

Pen : சென்ற ஆண்டின் ஆஸ்கர் விருது பெற்ற குறும்படங்களில் இது ஒன்று. இன்றைய இளைஞர்கள் மத்தியில் தற்கொலை உணர்வு அதிகமாய் இருக்கிறது. அதற்கு பல காரணங்கள்.. பல மன அழுத்தங்கள் காரணமாக அவர்கள் இந்த நிலைக்கு செல்கிறார்கள். தங்களை இந்த நிலையிலிருந்து தங்களை மாறுபடுத்தி தங்களை ஈடுபடுத்திக் கொள்ள பல ஊடகங்கள் உள்ளன. கலை இலக்கியம், ஓவியம் என்ற பல விஷயங்களை மனதில் கொள்ளலாம். . இந்த படத்தில் வருகிற சிறுவன் பத்தாவது கிரேட் படிக்கிறவனாக இருக்கிறான். அவன் ஆரம்பக் காட்சியில் ஒரு பெட்டிக்கடையில் ஒரு பழுப்பு நிற பேனா ஒன்றை வாங்குகிறான் அதை வைத்துக்கொண்டு அவன் ஓவியங்கள் வரைகிறான் கணக்கு பாடங்களை எழுதுகிறான். இது தொடர்ந்து காட்டப்படுகிறது. . அவன் ஆற்றங்கரை ஓரமாக, தனி இடங்களில் உட்கார்ந்து பாடத்தை தவிர ஓவியங்களும் வரைகிறான். அவன் முன்பே இரண்டு முறை தேர்வில் தோல்வியடைந்தவன் ஆகவே அவனைப் பார்க்கிற மற்றவர்களும் அவன் இந்த முறை தேர்வில் வெற்றி பெற வேண்டும் என்று சொல்கிறார்கள் அவருக்கு கொஞ்சம் பயமாய் விடுகிறது. மூன்றாவது முறையும் தான் தோல்வியடைந்தால் என்ன ஆகும் என்ற ஒரு பயம்... இந்த பயம் அவனை உலுக்கிக் கொண்டே இருக்கிறது. ஆனால் பேனா அவனுக்கு துணையாக இருக்கிறது. அதன் மூலமாக ஓவியங்களும் வெளிப்பாட்டு முயற்சிகளும் இருந்து கொண்டே இருக்கிறது. கடைசியில் அவன் தோல்வியுற்று வருவான் என்று நம்பி தற்கொலைக்கு முயற்சி செய்கிறான். தற்கொலையில் இருந்து தப்பிக்க பக்கத்தில் இருக்கிறவர்கள் உதவுகிறார்கள் . இதனுடைய அடுத்த நிலையாக படம் ஓராண்டு கழித்துச் செல்கிறது படம். அவன் தற்கொலை முயற்சியில் இருந்து தப்பித்து விட்டான். இப்போது ஓர் ஓவிய கண்காட்சியில் அவன் ஓவியங்களெல்லாம் விற்பனைக்கு வைக்கப்பட்டு இருக்கின்றன பலர் வந்து போகிறார்கள். சிலர் ஓவியங்களை விலைக்குக் கேட்கிறார்கள் சில விற்று விட்டதாகச் சொல்கிறான். தற்கொலை முயற்சி மீறி, தன் படிப்பை மீறி அவன் தனக்கு பிடித்த அந்த ஓவியக்கலையில் வெற்றி பெறுவதை இந்த படம் சொல்கிறது நதிக்கரை, பூக்கள், பேனா புத்தகத்திலிருந்து நழுவுதல், கைவிடாதே உன் முயற்சியை என்ற குரல்கள் .. சங்கடப்படுத்துகின்றன. அம்மாவிற்கு அவன் எழுதும் கடிதம்இன்னும் சங்கடப்படுத்துவது. அம்மா என்னை மன்னித்து விடு என்ற உருக்கம். அவன் தற்கொலை முயற்சியின் போது சிதறிக்கிடக்கும் பலஓவியங்கள். அதைப் பின்தொடர்ந்து சென்று அவனை அடையும் முதியவள். அவனைக்காப்பாற்றல். அவன் நினைவில் தகிக்கும் எழுத்தாளர்கள் சார்லஸ் டிக்கன்ஸ் போல்.. சாதனையாளர்கள் விஜய் தண்டூல்கர் போல்.. அதேபோல இந்த படத்தின் காட்சிகளில் மற்றும் இறுதியில் வருகிற குறிப்புகள் மூலமாக இந்தக் கால இளைஞர்கள் தற்கொலை எண்ணங்களுக்கு சென்று கொண்டிருக்கிற செய்திகளையும் சொல்கிறார்கள். கலை இலக்கியம் சார்ந்த ஈடுபாடு தற்கொலையிலிருந்து மீட்டெடுப்பதை இந்த படம் சொன்னது.