சுப்ரபாரதி மணியன்

தாமுவின் சற்றே நீளமானக் குறுங்கதைகள் மலையாளத்தில் இப்போதெல்லாம் குறுங்கதைகள் நிறைய வருகின்றன. குறுங்கதைத் தொகுப்புகள் நிறைய வருகின்றன என்று நண்பர் வலச சுகுமார் அவர்கள் சமீபத்தில் தெரிவித்தார் அவரின் குறுங்கைகளும் சில தொகுப்புகளில் இடம்பெற்றிருக்கின்றன. இந்த தாமு அவர்களின் கதைகளை குறுக்கதைகள் என்று சொல்ல முடியாது ஒரு பக்க கதைகள் தான். ஆனால் இந்த கதைகளில் இருக்க கூடிய சமூக விமர்சனம் ஆழமானது. வழக்கமாக ஒரு பக்கம் கதைகள் அல்ல இவை. விமர்சனம் கதைகளில் வரும் சிறப்பம்சங்களும் இதில் உண்டு. ஆனால் அதை மீறி கிண்டலும் கேலியும் சமூக விமர்சனமும் முக்கியமாக இருக்கிறது. கவிதையை தாஜ்பால் என்ற பெயரில் எழுதுகிற இவர் கதைகளை தாமு என்ற பெயரில் எழுதுகிறார். ஒரு நண்பர் கூட இது என்னமோ இந்து பெயராக இருக்கிறது என்றார் தா. முகமது என்பதை தான் அவர் தாமு என்று போடுகிறார் அவரின் கேலியும் கிண்டலும் நகைச்சுவையும் முக்கியமானவை என்று படுகிறது. சில இடங்களில் வாய் விட்டுச் சிரித்தேன்... சுப்ரபாதி மணியன்