சுப்ரபாரதி மணியன்

எழுத்து, வாசிப்பு திரைமொழி ஊடகபயிலரங்கு சத்தியமங்கலம் அரசு கலை மற்றும் அறிவியல் கல்லூரியின் காட்சி தொடர்பியல் துறை சார்பாக இன்று 11/04/2022 குடியரசு தலைவரின் கதா விருது மற்றும் தமிழக அரசின் சிறந்த நாவல் விருது பெற்ற எழுத்தாளர் திரு சுப்ரபாரதிமணியன் அவர்கள் சிறப்பு விருந்தினராக கலந்து கொண்டு காட்சி தொடர்பியல் மாணவர்களுக்கு எழுத்து, வாசிப்பு திரைமொழி ஊடக பயிலரங்கு நடத்தினார். முன்னதாக கல்லூரியின் முதல்வர் முனைவர் க. இராதாகிருஷ்ணன் அவர்கள் தலைமை உரை வழங்கி சிறப்பித்தார். காட்சி தொடர்பியல் துறையின் ஆசிரியர் முனைவர் கி. ஜெயராஜ் அனைவரையும் வரவேற்றார். நிகழ்ச்சியில் மாணவர்கள் செய்தி பிரசுரங்களை வைத்துக்கொண்டு சிறுகதை உருவாக்கம் நடைபெற்றது. மேலும் மாணவர்களின் கட்டுரைகள் கடந்த முப்பத்து ஐந்து ஆண்டுகளுக்கும் மேலாக நடத்தப்பெறும் 'கனவு' இலக்கிய பத்திரிக்கையில் இடம் பெரும் பொருட்டு ஊக்கம் அளிக்கப்பட்டது. மாணவர்கள் தங்கள் தனி திறமைகளை எழுத்து வடிவில் சமூகத்திற்கு கொண்டு செல்லும் இந்த அரிய ஊடக தள வாய்ப்பு எதிர்கால வேலைவாய்பிற்கு ஊன்றுகோலாய் அமைந்துள்ளது.