சுப்ரபாரதி மணியன்

நட்புரை வாழ்க்கை பிரம்மாண்டமானது. வாழ்க்கை அனுபவங்களை சில வார்த்தைகளில், சில வரிகளில் சுருக்கிக் கவிதையாக அதிலும் குறிப்பாக ஹைக்கூவாகத் தரும் வல்லமை அமரன் அவர்களுக்கு எப்போதும் உண்டு. அதை ஆங்கிலத்தில் மொழிபெயர்ப்பதிலும் பிற மொழிகளில் கொண்டு செல்வதிலும் ஆர்வம் கொள்பவர். ஆயிரக்கணக்கான பக்கங்களை ஹைக்கூ கவிதைகளால் நிரப்பி இருப்பவர் . எவ்வளவு அனுபவங்கள் எவ்வளவு கைகுலுக்கல்கள் எவ்வளவு பரிமாற்றங்கள் அதெல்லாம் ஆச்சரியமாக இருந்திருக்கிறது. அந்த துறை சார்ந்து தொடர்ந்து இயங்கிக் கொண்டிருப்பவர் என்பதால் அவருக்கு ஹைக்கூ சுலபமாக வந்து விடுகிறது. ஆனால் ஒரு வகையில் பழமைத் தன்மையும் வேறு வகையான இறுக்கமும் இருப்பதை நான் அந்நியமாக கண்டு சில சமயம் ஒதுங்கி இருக்கிறேன் ஆனால் அனுபவ அளவில் அவையெல்லாம் விரிந்த கடல் போன்றது. அதிலிருந்து சிலவற்றை எடுத்து சொல்ல சொல்ல நாமும் அந்த கடலுக்குள் போய் பயணம் செய்கிற அனுபவத்தை பெறுகிறோம். அதற்குள் நீச்சல் அடிக்கிறோம். சில சமயம் கடல் நீர் வாய்க்குள் புகுந்து கொள்வது உண்டு. அப்படித்தான் நான் முன்னால் குறிப்பிட்ட பழமைத்தன்மையும் கூட. ஆனால் அதையெல்லாம் மீறி அவர் தொடர்ந்து கவிதை உலகில் இருப்பதும் ஆயிரக்கணக்கான கவிதைகளை அக்கறையுடன் எழுதி இருப்பதும் பெரிய சாதனையாகப்படுகிறது. அதில் ஒரு நூலை கனவு பதிப்பகத்தின் மூலம் அவர் வெளியிட இசிவு தந்தது என்னை பெரு மகிழ்ச்சிக்குள்ளாக்கியது. அந்த மகிழ்ச்சியை ஹைக்கூ வாசகங்கள் பெற வேண்டும் என்பது என்னுடைய விருப்பம். .அமரன் அவர்களின் ஹைக்கூ உலகத்திற்குள் நாம் செல்வதற்கு ஒரு நல்ல வாய்ப்பை கனவு வெளியீட்டின் மூலமாக அவர் தந்திருக்கிறார். அவருக்கு நன்றி அவரின் ஹைக்கூ உலகில் அவரோடு இணைந்து அவருடன் கைக்குலுக்கிக் கொள்வோம்.. வாருங்கள் 0 சுப்ரபாரதி மணியன் 9486101003 ( கனவு பதிப்பகம், திருப்பூர் )