சுப்ரபாரதி மணியன்

சுப்ர பாரதி மணியன் சுப்பிரமணிய பாரதியின் குட்டிக் கதைகள் நான் சேவல் சண்டை பற்றி பல கதைகளை எழுதி இருக்கிறேன் அப்பா தொகுப்பிலும் வேறு கதை தொப்புகளிலும் அந்தக் கதைகள் உள்ளன. ஆடுகளம் படத்தில் சேவல் சண்டைகள் இலக்கியத்தில் வருகிற இடங்களைக் குறிப்பிட்டு பாரதியாரின் சின்ன சங்கரன் கதை என்பதையும் போடுகிறார்கள் என்று சொன்னார்கள். என்னுடைய சேவல் சண்டை கதைகளை பற்றி அதில் குறிப்பிருக்கிறதா என்று தெரியவில்லை. பாரதி வேடிக்கை கதைகள் என்று பலவற்றை எழுதியிருக்கிறார் குட்டிக் கதைகள் எழுதி இருக்கிறார் அவற்றிலெல்லாம் நகைச்சுவை மிளிரும். பாரதியாரின் சின்ன சங்கரன் கதை 33 பக்க நீண்ட கதை அப்படித்தான் அவர் அப்போது வெளிவந்து கொண்டிருந்த ஐரோப்பிய சாயல் சிறுகதைகளில் வரும் வடிவத்தை பின்பற்றியவர் அல்ல. அதே சமயம் சிறுகதைகள் மற்றும் படைப்புகளில் ஏதாவது செய்தி சொல்ல வேண்டும். சமூகப் பொறுப்புடன் செயல்பட வேண்டும் என்று கருதியவர். அவர் எழுதிய படைப்புகளில் உடன்கட்டை ஏறுவது குறித்த எதிர்ப்பும் பொட்டுக்கட்டு வழக்கத்தை எதிர்த்தும் ருது ஆவதற்கு முன்பே திருமணம் செய்யும் பழக்கத்தை எதிர்த்தும் பலவற்றை எழுதியிருக்கிறார். கலப்பு மணம் பற்றி ஆதரித்து எழுதியிருக்கிறார். மதவழக்கம், பழமையான சட்டங்களை பற்றி கண்டித்து இருக்கிறார். ஆறில் ஒரு பங்கு சிறுகதையில் கூட தீண்டாமை சார்ந்த எதிர்ப்பு குரல் இருக்கும் இவை எல்லாம் பாரதியை நவீன சிறுகதை சார்ந்த ஒரு எழுத்தாளராக காட்டும் இதனுடைய தொடர்ச்சி சக்ரவர்த்தினியில் ‘துளஸீபாயி என்ற ரஜபுத்திர கன்னிகையின் சரித்திரம்’ என்ற புனைவை எழுதியிருந்தார் . 11 பக்கம் கொண்டது. அது தமிழில் முதல் சிறுகதை என்று சிலர் சொல்கிறார்கள் . ஷெல்லிதாசன் என்ற புனைப் பெயரில் எழுதியிருந்தார், “ ஆறில் ஒரு பங்கு “ கதையும் அப்படி சிறப்புகள் கொண்டது ஆறில் ஒன்று ஒரு பங்கு 1910 இல் பாண்டிச்சேரியில் இருந்து பாரதியார் அவர்களால் வெளியிடப்பட்டது கதாபாத்திரம் கதை சொல்லும் யுத்தியும் கதை மையத்திலிருந்து கதையை வெளியேற்றும் புத்தியும் இன்றைக்கு பல எழுத்தாளர்களால் சுட்டிக்காட்டப்படுகிறது. ஆனால் அதை கடைபிடித்தவர் ஆரம்பத்திலேயே பாரதியார் அவர்கள். அவர்களுடைய வேடிக்கை கதைகள் அல்லது குட்டி கதைகள் எனக்குப் பிடிக்கும். இவற்றில் எனக்கு அந்த பழக்கடைக்காரனை ரொம்பவும் ஞாபகம் இருக்கிறது அவன் கால் யானைக்கால் போல இருக்கும் .அந்த வியாதி உள்ளது. அந்தப் பக்கம் வரும் பள்ளி மாணவர்கள் அவனுடைய கடையில் இருந்து பழங்களை திருட முயற்சித்தால் என் காலால் அடிபடுவீர்கள் என்று விரட்டுவான். ஒரு பையன் அப்படித்தான் ஒரு பழத்தை எடுத்து விட்டான் காலால் உதைக்கிறான். யானைக்கால் என்பதால் மெது மெது என்று இருப்பதாக அந்தப் பையன் மற்ற பையன்களிடம் சொல்லிச் சிரிக்கிறான் . திரும்பத் திரும்பச்சொல்லி சிரிக்கிறான். இது எலும்பில்லாத கால் அடியே படாது, வலிக்காது என்று அவன் சொல்கிறான் இந்த கதை சின்ன வயதிலிருந்து எனக்கு ஞாபகம் வந்தது.. காரணம் இதேபோல யானைக்கால் வியாதி கொண்ட ஒரு பெண்மணி நான் படித்த திருப்பூர் மேட்டுப்பாளையம் நகராட்சி பள்ளியில் முன்பு தேன் மிட்டாய்கள். நெல்லிக்காய் வைத்தபடி வியாபாரம் செய்து கொண்டிருந்தாள் .அவள் தன் காலை காட்டித்தான் மற்றவர்களையும் மிரட்டி கடையை நடத்திக் கொண்டிருந்தாள். சேவல் கட்டு பற்றிய குறிப்பு வருகிற சின்ன சங்கரன் கதைக்கு மறுபடியும் செல்லலாம். அதில் ராமசாமி கவுண்டர் நபர் மிக முக்கியமான வருகிறார். அவர் பொழுதுபோக்குகளில் ஒன்று சேவல் சண்டை வேடிக்கை பார்ப்பது. அவர் சார்ந்த அரண்மனை கோழிகள் அந்த சண்டையில் தோற்று தான் போகும். புதிதாக அரண்மனை கோழி என்று எதையாவது கொண்டு வந்து சேர்த்து விடுவார்கள் .பிறகு அவையெல்லாம் சேவல் சண்டையில் பிரயோஜனம் இல்லாமல் போகும். ராமசாமி கவுண்டரின் உணவு பழக்க வழக்கங்களை பற்றி எல்லாம் அந்த கதையில் நிறைய சொல்லப்படும். 32 கவளம் சாப்பிட வேண்டும் என்று குறிப்பு அதில் இருக்கும். அவ்வளவு சாதம் அவ்வளவு சாப்பிட முடியுமா என்று தெரியவில்லை அவ்வளவு சாப்பிட வேண்டும் என்று அந்த கதையில் வலியுறுத்தி இருப்பார். .அதேபோல ராமசாமி கவுண்டர் சேவல் சண்டையில் தோற்றுப் போன கோச்சைக்கறியைச் சாப்பிட்டாரா என்ற குறிப்பு காணவில்லை பாரதியாருடைய கதையில் இடம்பெறும் இந்த சேவல் சண்டை என்னுடைய சில கதைகளின் சேவல் சண்டை மையத்திற்கு அருகில் வந்திருப்பதால் அந்த கதை எனக்கு ரொம்பவும் பிடித்ததாக இருக்கிறது. பாரதியார் எழுதிய வேடிக்கை கதைகள், குட்டி கதைகள் இவற்றை சுலபமாக யாரும் படித்து தங்களுக்கான கதைகளாக எடுத்துக் கொள்ளலாம் ReplyForward Add reaction