சுப்ரபாரதி மணியன்

ஹைகூ நக்கீரன் சுப்ரபாரதி மணியன், திருப்பூர் இயற்கையுடன் இயைந்த வாழ்வு, உலகின் பருவ நிலைகள், சமூக சிந்தனைகள், அவலம், மனிதநேயம், அரசியல், என தமிழ் ஹைக்கூ கவிதைகள் சிக்ரங்களைத் தொட்டு வருகின்றன. திருப்பூர் வாழ் ஹைகூ கவிஞர் கரு. கிருஷ்ணமூர்த்தி அவர்கள் ஹைகூ கவிதைகள் மட்டுமே எழுதுகிறார். எனவே ஹைகூ கவிஞர் என்ற சிறப்புப்பட்டத்தை தக்க வைத்துக் கொண்டிருக்கிறார். அவரின் இரண்டாம் ஹைகூ கவிதைகள் தொகுப்பு இது, அவரின் வயதில் மூத்தவர் ( 65 ஐ எட்டுகிறார் ), பனியன் கம்பனியின் 12 மணி நேர வேலையைத் தாண்டி அவர் கவிதை உலகில் இருந்து கொண்டேயிருக்கிறார் என்பது சாதனையாகும். ஜப்பானிய விதிப்படி 5,7,5 கொண்டது என்றாலும் தமிழில் வார்த்தைச் சுருக்கமுடன் வியப்பையும் அதிர்வையும் வெளிப்படுத்தும் ஹைக்கூ கவிதைகளே பலராலும் எழுதப்படுகின்றன. ஜப்பானிய இலக்கண வரம்புகளை உடைத்தெறிந்து எழுதப்பட்ட பல தமிழ் ஹைக்கூ கவிதைகள் காலத்தை வெல்லும் ஹைக்கூ கவிதைகளாக விளங்குகின்றன எனவே ஹைக்கூ கவிதைகள் தனியே வலம் வருகின்றன. வரம்பும், இலக்கணமும் கொண்டு. அதை சரியாகக் கணக்கிடுவதில் வல்லவர். பொதுவாக, சிறப்பாக இருக்கிறதென்று நான் பாராட்டும் சில ஹைக்கூ கவிதைகளை எடுத்துக் கொண்டு அவற்றில் இருக்கும் வடிவ , கட்டமைப்பு தவறுகள் பற்றிச் சுட்டிக்காடும்போது நானும் அசந்து வியந்து பார்த்திருக்கிறேன். அவர் எழுதிய ஹைக்கூ கவிதைகள் எப்படி இருக்கும். அவற்றின் உதாரணம் இவை. நக்கீரப்பார்வைக்கு தப்பாதவை. உங்கள் பார்வையிலிருந்தும் தப்பக்கூடாதவை. என்றும் கவிதையாய் சிந்தனையில் வாழ்பவர், வாழ்த்துக்கள்