சுப்ரபாரதி மணியன்

சென்னை சில்க்ஸ் நிறுவனர் நூற்றாண்டு துவக்க விழா சென்னை சில்க்ஸ் நிறுவனர் நூற்றாண்டு துவக்க விழா அவினாசியில் வியாழன் அன்று நடைபெற்றது. விழாவில் திரைப்பட இயக்குனர் எடிட்டர் லெனின் சிறப்பு விருந்தினராக கலந்து கொண்டார் சுப்ரபாரதி மணியன் சிறப்பு மலர் வெளியிட்டில் மேடையில் பங்கு பெற்றார். அந்நிறுவன பணியாளர்களின் ஓவியங்கள் கவிதைகள் கட்டுரைகள் போன்ற படைப்புகளை உள்ளிட்டது அந்த சிறப்பு மலர்.. அழகாக வடிவமைக்கப்பட்டிருந்தது விழாவில் தலைமை ஏற்று பேசினார் நிறுவன மேலாளர் டி கே சந்திரன் அவர்கள் : “ இந்த நிறுவனம் ஆர்கானிக்காக வளர்ந்ததா அல்லது திட்டமிட்டு வளர்ந்த்தா என்று சொல்ல முடியவில்லை. ஆனால் இன்று பெரிய நிறுவனம் ஆகிவிட்டது. இன்று ஆர்ட்டிஃபிஷியல் இன்டெலிஜென்ஸ் போன்றவை நம் முன் நிற்கிறது “ என்று குறிப்பிட்டார் நிறுவனத்தின் இயக்குனர் ஆறுமுகம் பேசுகிறபோது 100 சதவீதம் நேர்மை என்பது வியாபாரத்திலும் தனிமனித வாழ்க்கையிலும் வியப்பான வெற்றிகளைத் தரும். வறுமையிலும் நேர்மையாக இருக்க எங்கள் அப்பாக் கற்றுக் கொடுத்தார் பயிற்சிகளும் முயற்சிகளும் தான் ஒரு மனிதனை வடிவமைக்கும் அவமானங்கள் முன்னேற்றத்திற்கு படிகளாக இருக்கும் சமூக உணர்வும் சமூகத்துக்காக பயன்படவேண்டும் என்ற சமூக விதியை மக்களுக்காக எடுத்துக் கொள்ளாத வணிக நிறுவனங்கள் வெற்றியை தொடர முடியாமல் போய்விடும் வறுமையிலும் 100% நேர்மை என்ற தாரக மந்திரத்தை நாங்கள் கடைபிடித்தோம். வறுமையும் மகிழ்ச்சிக்கு கொண்டு செல்லும் என்று எங்கள் வாழ்க்கை தெரிவித்தது எதற்கு தகுதி கொண்டாலும் அதற்கு சரியான இடம் நமக்கு வந்து சேரும் பெரும் ஆசைப்பட்டால் நடக்காது. அப்படி நடப்பது 2 சதவீதமாக நிறைவேறி இருக்கும். ஆசை நிறைவேறினால் பிரபஞ்ச சக்தியே முழுமையாக உணரலாம் என்று நினைப்பார்கள் ஆனால் அப்படி ஆசைகளை பெரிதாக நினைத்தால் நடைமுறையில் காணாமல் போய்விடும். கவலை கற்பனையாக பின்னப்பட்டது அதை மீறி உழைப்பு வெற்றியை தரும்” என்று குறிப்பிட்டார் நிறுவனர் குழந்தைவேலு அவர்களின் எல்லா மகன்களும் மகள்களும் ஒரு சேர விழாவில் காணப்பட்டதும் மேடையில் காணப்பட்டதும் குறிப்பிடத்தக்கதாக இருந்தது திரைப்படஇயக்குனர் லெனின் பேசுகையில் நம் பாரம்பரியம் சார்ந்த விஷயங்கள் தொடர்ந்து கடைபிடிக்கப்பட வேண்டும் அது பெருமை கூட. அதில் மொழி முதல் சாதி வரை பல விஷயங்கள் உள்ளன என்று குறிப்பிட்டார் வெவ்வேறு மாநிலங்களை சேர்ந்த தொழிலாளர்களும் பணியாளர்களும் பங்குபெற்ற கலை நிகழ்ச்சிகள் குறிப்பிட்டதாக அமைந்தன