சுப்ரபாரதி மணியன்

சமூக மேம்பாட்டில் பெண்கள் : சுப்ரபாரதிமணியன் மக்களின் அடிப்படைத் தேவைகள் நிறைவு செய்யப்பட வேண்டும் பொது நலத்திற்கு உகந்தபடி ஊக்கமும் ஆர்வமும் ஆக்கமும் கொண்டு மனிதர்கள் செயல்பட வேண்டும் மக்களின் தனித்தன்மையானவை தகர்ந்து விடாமல் தேவையான கட்டுப்பாட்டுடன் அவர்களுக்கு தேவையான சமூக வாழ்க்கையை தருவது நல்லிணக்கமாக இருக்கும். இத்தகைய வாழ்க்கை அறத்தின் பாடுபட்டது இவ் வாழ்க்கையில் தலையாய அறம் என்பதை அதன் செயல்பாடுகள் மூலமாக பல பெரியவர்கள் நிருபித்திருக்கிறார்கள் அப்படித்தான் பல பெண்மணிகள் சமூகத்தின் வளர்ச்சிக்காக பல்வேறு திட்டங்களை நிறைவேற்றி இருக்கிறார்கள். அவர்கள் இருவரைப்பற்றியது இக்கட்டுரை. இந்த ஆண்டு முக்கியமான ஆண்டு…இவ்வாண்டில் நூற்றாண்டு விழா கொண்டாடும் இரண்டு பெண்மணிகளை பற்றி இதில் காணலாம் ஒன்று கிருஷ்ணம்மாள் ஜெகநாதன என்ற சமூகப் போராளி இன்னொன்று ராஜம் கிருஷ்ணன் என்ற எழுத்தாளர் 1. கிருஷ்ணம்மாள் ஜெகநாதன் உழைப்பவனுக்கு தான் சொந்த நிலம் அவசியம் வேண்டும் என்று பாடுபட்ட காந்தியை வாதி. அதிகாரங்களை எதிர்த்து போராடி விளிம்பு நிலை மக்களுக்கு இதெல்லாம் வாங்கித் தந்தார். தமிழகத்தில் பூமிதான இயக்கம் என்பதை பரவலாக்கி வினோபாவின் அறிவுரைப்ப்ப் போராடி பலருக்கு நிலங்களைப் பெற்றுத் தந்தார். கீழ்வெண்மணி மக்களுக்கு நிலங்களை சொந்தமாக்கி அவர்களுடைய மறுவாழ்வுக்கு உதவினார். இப்படித்தான் அவரை நாம் அறிமுகம் செய்யலாம் திண்டுக்கல் மாவட்டத்தை சேர்ந்த கிருஷ்ணம்மாள் ஜெகநாதன் அவர்கள் லாப்டி என்று அமைப்பின் மூலம் சொந்த நிலம் ஏழை விவசாயிகளுக்கு என்பதைக் கொள்கையாகக் கொண்டு பாடுபட்டார். நிலங்களைப் பெற்று பல ஏழை விவசாயிகளுக்கு கொடுத்தார். தாழ்த்தப்பட்ட பெண்களுக்கு கல்வி மறுக்கப்பட்ட சமூகத்தில் இருந்து வந்தவர் என்பதால் தாழ்த்தப்பட்ட பெண்களுடைய கல்விக்காக பாடுபட்டார். பெண் குழந்தைகள் நிறைந்த கிராமத்தில் படிக்க முடியாத சமூகத்திலிருந்து வந்து பட்டப் படிப்பு படித்தவர்., பலரை அதே போல் பட்டங்கள் வாங்க உதவி செய்தார்.அவரின் கிராமத்திலிருந்து முதலில் கல்லூரிக்கு சென்ற பெண்மணியான அவர் பலரை கல்லூரி வாசலைத் தொட வைத்தார். காந்தி வழியில் செயல்பட்டு அனைவருக்கும் கல்வி அனைவருக்கும் தொழில் என்பதை கைக்கொண்டார். வினோபாஜி பத்து வயதிலேயே சன்னியாசம் சென்றவர். காந்தியுடன் செயல்பட்டவர். அவருடம் சேர்ந்து பூமிதான இயக்கத்தை வலிமையாக்கினார். அவர் படிக்கும்போது பட்டுத் துணியை கையில் தொடக்கூடாது, நகைகளை தொடக்கூடாது என்று முடிவெடுத்தவர் வாழ்க்கை முழுவதும் அப்படித்தான் எளிய காந்திய வாழ்க்கையை மேற்கொண்டார் மக்களுக்காக பதினாறு வயது முதல் சிறை சென்ற அவருடைய கணவர் ஜெகந்நாதன் சுதந்திர நாட்டில்தான் திருமணம் செய்து வேன் என்று சொல்லி சுதந்திரம் பெற்ற பின்னால்தான் கிருஷ்ணம்மாளைத் திருமணத்தை செய்து கொண்டார். கூலி மக்களிடையே உள்ள பிரச்சனைகளை கண்டு நில உரிமைக்காரர்களை எதிர்த்து பல இயக்கங்களை நடத்தினார். அதில் முக்கியமானது பூமிதான இயக்கம். கீழ் வெண்மனியில் விவசாயிகளுக்கு எதிராகப் படுகொலை நடந்த போது அங்கு சென்று அவர்களுக்கு நிவாரணங்கள் வழங்கி நிலம் பெற வற்புறுத்திச் சொன்னார். நிலமற்றப் பெண்களுக்கு தினத்தை சொந்தமாக்குவது வாழ்க்கையின் இலக்காகக் கொண்டு அதை செய்தும் காட்டினார். எல்லோருக்கும் குடியிருக்க இடம் கொடுக்க வேண்டும் என்ற எண்ணத்தில் அவர் பகுதியில் வெற்றியடைந்திருக்கிறார் வீடுகளைபல்வேறு வகைகளில் இழந்தவர்களுக்கு குடிசை வீடுகளை கட்டி தர பல்வேறு திட்டங்களை எடுத்துக் கொண்டு நிறைவேற்றினார். இறால் பண்ணையால் கடற்கரை பகுதிகள் சீர்கெட்ட போது பல வழக்குகளை தொடர்ந்தார். போராட்டங்களை நடத்தினா.ர் அந்த போராட்டங்களின் விளைவாக கடற்கரையை ஒட்டி 500 மீட்டர் அளவில் எந்த இறால் பண்ணையும் அமைக்க்க் கூடாது என்று போராடியதால் அரசாங்கம் பல சட்டங்கள் போட்டு இறால் பண்ணையைக் கட்டுப்படுத்தின. 100 வயதை எட்டிய கிருஷ்ணம்மாள் ஜெகநாதன் அவர்கள் தொடர்ந்து தன்னுடைய சமூகப் பணியை செய்து கொண்டிருக்கிறார்கள் இன்றும் 2. ராஜம் கிருஷ்ணன் அவர்கள் . 1. 1925இல் முசிறியில் பிறந்தவர் ராஜம் கிருஷ்ணன் அவர்கள் முறையான பள்ளிக் கல்வி பெறாதவர் 15 வயதில் திருமணம் செய்து வைக்கப்பட்டவர். தானாகவே ஆங்கிலம், தமிழ், ஹிந்தி கற்றுக் கொண்டவர். இந்த சமூகத்திற்கு தன் எழுத்து பயன்படும் என்று இடதுசாரி பார்வையோடு பெண்ணியப்பார்வையும் கலந்து இலக்கிய படைப்புகளை தமிழில் தந்தவர் ராஜம் கிருஷ்ணன் அவர்கள். வெவ்வேறு களங்களுக்கு சென்று கள ஆய்வுகளை செய்து தன்னுடைய படைப்புகளை சமூகத்திற்கு தந்து நல்ல சமூகம் எப்படி இருக்க வேண்டும் என்று விருப்பப்பட்டவர். கூட்டுக் குடும்ப வாழ்க்கையில் வளர்ந்தவர் என்றாலும் அவருடைய எண்ணங்கள் சாதாரண புராதான கட்டுப்பாடுகளுக்குள் இருக்கவில்லை. சுதந்திர ஜோதி என்ற நாவல் மூலம் அறிமுகமானார் அதன் பின்னால் தூத்துக்குடி மக்களின் வாழ்க்கையை ஆராய்ந்து கரிப்பு மணிகள் நாவலும் நீலகிரி இன சமூக வாழ்க்கையை குறிப்பிடும் குறிஞ்சித்தேன் நாவலும் பள்ளத்தாக்கு கொள்ளையரைப் பற்றிய நாவலும் என்று புதிய பார்வைகளை எழுதினார். சமூக விடுதலையைப் பற்றிய அக்கறை அவருடைய படைப்புகளில் இருந்தன. பெண்ணியச் சிந்தனைகளுக்கும் வடிகாலாக அவரின் படைப்புகளையெல்லாம் கொண்டு வந்தார். 90 வயதில் உடல் நலக் குறைவால் இறந்தார். உடலை மருத்துவமனைக்கு கொடுத்தார். அவருடைய சொத்துக்களை எல்லாம் சமூக வாழ்க்கைக்குச் செலவு செய்தார். அரசியல் சமூக அவலங்களை கொண்டு அவர் எழுதிய சிறுகதைகளும் நாவல்களும் தமிழ் இலக்கிய படைப்புகளில் தமிழ் சமூகம் எப்படி இருக்க வேண்டும் என்ற கூறிய பார்வையை தந்தவை எழுத்தாளர் ராஜம் கிருஷ்ணன் படைப்புகள் பல பரிசுகளைப் பெற்றன. 'வேருக்கு நீர்' நாவலுக்காக சாகித்ய அகாதமி விருது பெற்றார். அகாதமி விருதைப் பெற்ற முதல் தமிழ்பெண் படைப்பாளர் இவர்தான். வளைக்கரம் சோவியத்லாந்து விருது பெற்றது நூற்றாண்டு கொண்டாடும் இந்த இரண்டு பெண்மணிகளின் வாழ்க்கை சமூக மேம்பாட்டிற்காக பெண்களின் அக்கறையை குறிப்பிட்ட செயல்களாக இருந்தன.. இவர்களை பின்பற்றி தமிழ் இலக்கிய உலகம் தன் பார்வையை சமூகவயமான படைப்புகள் மீது கொண்டு செல்ல வேண்டும். சமூக மேம்பாட்டில் பெண்கள் பங்கின் உதாரணமாக விளங்கியவர்கள் இவர்கள் . இவர்களின் காலடிகள் தொடரப்பட வேண்டும் ---------------------- 0 SUBRABHARATHIMANIAN/ RPSubramanian ) சுப்ரபாரதிமணியன் 8/2635 Pandian Nagar, Tiruppur 641602 , subrabharathi@gmail.com.. 094861 01003/ 94423 50199