சுப்ரபாரதி மணியன்

என் பார்வையில் இரு சிறந்த நாவல்களைப் பற்றி 1 அலர் நாராயணி கண்ணகி நாவல் விளிம்பு மக்களை பற்றிய ஒரு நாவல். இந்த விளிம்பு நிலை மக்கள் வெகு சாதாரணமானவர்கள் .அவர்களின் விதிக்கப்பட்ட வாழ்க்கையை வாழும் ஒரு பெண்ணைப் பற்றிய நாவல் இது அவள் குடும்பமாக இருக்க ஆசைப்படுகிறாள் ,குழந்தை, குடும்பம் உறவுகள் என்று இருக்க ஆசைப்படுகிறாள் ஆனால் சமூகம் அவளை ஒரு விலைமகளாகத் தள்ளிவிட்டது வேறு வழி இல்லாமல் வாழ்ந்து கொண்டிருக்கிறாள் அவள் அங்கிருந்து வெளியேற ஆசைப்படுகிறாள். உடம்பு வேண்டாம் கூலி வேலை செய்தாவது பிழைக்க முடியும் என்று நம்புகிறாள் ஆனால் உலகத்தின் பார்வையில் இருந்து அவள் தன்னை விடுவித்துக் கொள்ள முடிவதில்லை. உலகத்தின் பார்வையில் ஒரு முகமூடி இருக்கிறது அந்த முகமூடி பார்க்கிற பார்வையில் அவளை அப்படி மட்டும் பார்க்கிறார்கள் இந்த சூழலில் அவளுக்கு விதிக்கப்படுகிற வாழ்க்கை எப்படி இருக்கிறது என்பதை இந்த நாவல் சொல்கிறது இந்த நாவலின் கதாநாயகியும் அவனை சுற்றியுள்ள மனிதர்களில் வாழ்க்கையையும் சொல்கிறபோது எந்த பக்கம் சாயாமல் நாவலாசிரியர் வாழ்க்கை இழப்புகளை சொல்லிக்கொண்டு போகிறார். ஆசை, நம்பிக்கையை விட வாழ்க்கை கொடுக்கும் படிப்பினை மிக முக்கியமானது என்பதை அவளும் தெரிந்து கொண்டிருக்கிறாள் அவர்களோடு சேர்ந்து வாழ்கிற பல பெண்களும் மற்றும் கமலா பாட்டி லதா லட்சுமி பாலகிருஷ்ணன் கண்ணப்பன் காவல்துறையினர் போன்றவர்கள் கூட இதை உணர்த்துகிறார்கள் நெஞ்சை கவ்வுகிற மொழியில் சாதாரண மனிதர்களின் வாழ்க்கையை நேர்கோட்டுத் தன்மையில் சொல்லுகிற ஒரு முக்கியமான நாவலாக இருக்கிறது 2. ஞாலம் .. தமிழ் மகன் எழுதிய நாவல் இந்த நாவல் இரண்டு நூற்றாண்டுகளுக்கு முன்னாள் தமிழகத்தின் ஒரு பகுதியில் நடந்த நிலம் சார்ந்த உரிமைக்கான போராட்டங்களை பற்றிப் பேசுகிறது. விவசாயிகள் போராடுகிறார்கள் அப்போதைய நிலப்பரப்பு அமைப்பு சாதி ஆதிக்கம் மிகுந்தது .போராடும் விவசாயிகளை பற்றியும் இந்த நாவல் சொல்கிறது உண்மையான சமூகத்தை, , உண்மையான சம்பவங்களை அடிப்படையாகக் கொண்டு தங்களின்நிலப்பரப்புகளால் பிரிக்கப்பட்டு நிலம் பறிக்கப்பட்ட விவசாயிகளின் வாழ்க்கையையும் ராமலிங்கர் -வள்ளலார் போன்றவர்களின் வாழ்க்கையையும் கூடவே சொல்கிறது.ஒரு காலத்தின் கதை. ஒரு நிலத்தின் கதை மக்களின் போராட்ட கதையாக இந்த நாவல் மலர்ந்திருக்கிறது. அன்புடன் சுப்ரபாரதிமணியன்