சுப்ரபாரதி மணியன்

நொய்யல் மீண்டும் ஜீவநதியாகும்.. நுால் வெளியீடு விழாவில் நம்பிக்கை ________________________________________ திருப்பூர்; திருப்பூர், பாண்டியன் நகரில், எழுத்தாளர் சுப்ரபாரதிமணியனின் 'வேர்களை இழக்கும் பூமி' என்ற புதிய சுற்றுச்சூழல் கட்டுரை தொகுப்பு வெளியீட்டு விழா நடந்தது. நுாலை வெளியிட்டு, 'நிட்மா' தலைவர் அகில் ரத்தினசாமி பேசியதாவது: சுத்தமான நீரோடும் நதியாக நொய்யல் விளங்க வேண்டும் என்பது தான், பின்னலாடை ஏற்றுமதியாளர்களின் விருப்பம். அந்த விருப்பம் இன்னும் மூன்றாண்டுகளில் நிறைவேறும். அதற்கான திட்டங்களில் ஏற்றுமதியாளர்கள் சங்கத்தினர் ஈடுபட்டு வருகின்றனர். 160 கி.மீ, ஓடும் நொய்யல் ஆற்றில், பல கழிவுகள் கலக்கின்றன. அதனை சீர்திருத்தும் முயற்சியில் பலமுறை ஈடுபட்டோம். மீண்டும் ஜீவநதியாக மாற்றும் முயற்சியில் ஈடுபட்டு வருகிறோம். கரூர் தொகுதி மக்கள் நொய்யல் நதிநீர் பாசனத்தால் அதிகம் பயன்பெறுகின்றனர். மூன்றாவது குடிநீர் திட்டம், ஏற்றுமதியாளர்கள் சங்கத்தின் பெரும் பங்களிப்பில் கொண்டு வரப்பட்டது. அதில், அரசின் நிதியுதவி இருந்தாலும், திருப்பூர் ஏற்றுமதியாளர்கள் சங்கத்தினரால் வெற்றி பெற்றது. நான்காவது குடிநீர் திட்டத்திற்கான செயல்பாடுகள் துவங்கியிருக்கின்றன. காவிரி, பவானி ஆறுகள் வற்றினாலும், திருப்பூர் மக்களுக்கு குடிநீர் தட்டுப்பாடு வராது என்ற அடிப்படையில் நான்காவது குடிநீர் திட்டம் அமையும். இவ்வாறு, அவர் பேசினார். Dinamalar today 0