சுப்ரபாரதிமணியன் திருப்பூரை சேர்ந்தவர். சிறுகதை , நாவல், கட்டுரைகள் , கவிதைகள் என தமிழிலக்கியத்தின் பலதளங்களில் கடந்த முப்பது வருடங்களாகத் தீவிரமாக இயங்கி , அனைவராலும் அறியப்பட்ட ஒரு படைப்பாளி்,இந்திய முன்னாள் குடியரசு தலைவர் வழங்கிய கதாவிருது தமிழக அரசின் சிறந்த நாவல் ஆசிரியர் விருது உட்பட பல்வேறு விருதுகளையும் பரிசுகளையும் பெற்றுள்ளார். திருப்பூர் பகுதியில் குழந்தை தொழிலாளர் ஒழிப்பு, பெண்களை சுரண்டும் சுமங்கலி திட்டத்தை ஒழிப்பது ,நொய்யலை பாதுகாப்பது போன்ற பல்வேறு சமூக பிரச்சினையிலும் அக்கறை கொண்டவர் ,11 நாவல்கள் 15 சிறுகதை தொகுப்புகள் ,கட்டுரைத் தொகுப்புகள் உட்பட 40 நுல்கள் வெளியிட்டுள்ளார் கனவு என்ற இலக்கிய இதழை 27 ஆண்டுகளாக நடததுகிறார் திருப்பூர் தாய்தமிழ் பள்ளியோடு இணைந்து பணியாற்றுகிறார். தொலை பேசித்துறையில் உதவி கோட்ட பொறியாளராய் பணியாற்றியவர்.

செவ்வாய், 8 ஜூலை, 2014

திருப்பூரில் கவிதை நூல்கள் விமர்சனக் கூட்டம்

தீக்கதிர் செய்தி 

thiikkathir

திருப்பூர், ஜூலை 7-திருப்பூரில் பதியம் இலக்கிய அமைப்பு சார்பில் மூன்று கவிதை நூல்களின் விமர்சன அறிமுகக்கூட்டம் ஞாயிறன்றுநடைபெற்றது.திருப்பூர் கே.ஆர்.சி.சிட்டி சென்டரில் எழுத்தாளர் சுப்ரபாரதிமணியன் தலைமையில் இக்கூட்டம் நடைபெற்றது.
பதியம் சார்பில் உமாபாரதி வரவேற்றார். முன்னதாக பல்லடம் நறுந்தேன் கலைக் குழுவினரின், அழிந்துவரும்தமிழ்மொழி குறித்துபறை இசையுடன் கூடிய பாரதிதாசனின்கவிதை நாடகம் நிகழ்த்தப்பட்டது. கவிஞர்கள்சுரேஷ் கருணாகரன், இளஞாயிறு, சிவதாசன்,ஜோதி, ஆசிரியை சிவகாமி, கனல்மதி, அருணாசலம் ஆகியோர் கவிதை வாசித்தனர்.சென்னையைச் சேர்ந்தகவிஞர் தமிழ்நேயனின் சூனியத்தில் துளிர்க்கும் உயிர் கவிதை நூலை கவிஞர் உமர்கயான் அறிமுகப்படுத்தி விமர்சித்துப் பேசினார்.
அரியலூரைச் சார்ந்த கவிஞர் அரங்கன் தமிழின் மனம் காட்டிக்குறிப்பு கவிதைநூலை கவிஞர் சூரியகுமார்அறிமுகப்படுத்தியும், தஞ்சாவூரைச் சார்ந்த கவிஞர் பன். இறையின்பருந்துகளைப் போலானதேன் சிட்டுகள் கவிதைநூலை கவிஞர் இளஞ்சேரல் அறிமுகப்படுத்தியும் உரையாற்றினர். இறுதியாக கவிஞர்கள்பன்.இறை, தமிழ்நேயன்,அரங்கன் தமிழ் ஆகியோர் ஏற்புரையாற்றினர். நிறைவாக நிகழ்வைஒருங்கிணைத்திருந்த பாரதிவாசன் நன்றி கூறினார்.