சுப்ரபாரதிமணியன் திருப்பூரை சேர்ந்தவர். சிறுகதை , நாவல், கட்டுரைகள் , கவிதைகள் என தமிழிலக்கியத்தின் பலதளங்களில் கடந்த முப்பது வருடங்களாகத் தீவிரமாக இயங்கி , அனைவராலும் அறியப்பட்ட ஒரு படைப்பாளி்,இந்திய முன்னாள் குடியரசு தலைவர் வழங்கிய கதாவிருது தமிழக அரசின் சிறந்த நாவல் ஆசிரியர் விருது உட்பட பல்வேறு விருதுகளையும் பரிசுகளையும் பெற்றுள்ளார். திருப்பூர் பகுதியில் குழந்தை தொழிலாளர் ஒழிப்பு, பெண்களை சுரண்டும் சுமங்கலி திட்டத்தை ஒழிப்பது ,நொய்யலை பாதுகாப்பது போன்ற பல்வேறு சமூக பிரச்சினையிலும் அக்கறை கொண்டவர் ,15 நாவல்கள் 15 சிறுகதை தொகுப்புகள் ,கட்டுரைத் தொகுப்புகள் உட்பட 50 நுல்கள் வெளியிட்டுள்ளார் கனவு என்ற இலக்கிய இதழை 30 ஆண்டுகளாக நடததுகிறார் திருப்பூர் தாய்தமிழ் பள்ளியோடு இணைந்து பணியாற்றுகிறார். தொலை பேசித்துறையில் உதவி கோட்ட பொறியாளராய் பணியாற்றியவர். வலைப்பதிவாக்கம் சுந்தரக்கண்ணன்
<==============================================================================================================>
வலைபதிவை வாசிக்க வந்த‌ உங்களை வணங்கி வரவேற்கின்றேன் -----------------------------
 <===============================================================================================================>
கதா பரிசு "92"- இந்தியாவின் பல்வேறு மொழியின் சிறந்த சிறுகதை எழுத்தாளர்களுக்கான "கதா-92" பரிசை தமிழ் எழுத்தாளர்கள் சுப்ரபாரதிமணியன், ஜெயமோகன் பெற்றிருக்கிறார்கள். டெல்லி ராஷ்டிரபதி பவனில் நடைபெற்ற பரிசளிப்பு விழாவில் ஜனாதிபதி சங்கர் தயாள் சர்மா இந்திய மொழிகளின் பல்வேறு எழுத்தாளர்களுக்கு பரிசு வழங்கினார். அவ்விழாவில் எம்.டி. வாசுதேவன் நாயர், என்.எஸ். மாதவன் (மலையாளம்), வைதேகி, விவேக் ஷான்பாக் (கன்னடம்), ரெண்டல நாகேஸ்வரராவ் (தெலுங்கு) மற்றும் 12 மொழிகளின் எழுத்தாளர்களுக்கும் இப்பரிசு வழங்கப்பட்டது. "கதா பரிசுக் கதைகள்" என்ற ஆங்கில நூலை மத்தியச் சுற்றுலாத் துறை அமைச்சர் பரூக் மரக்காயர் வெளியிட்டார். அந்த ஆங்கிலத் தொகுப்பில் பரிசு பெற்றப் படைப்பாளிகளின் சிறுகதைகள் இடம் பெற்றிருக்கின்றன. சுப்ரபாரதிமணியனின் "இடம்", ஜெயமோகனின் "ஜகன் மித்யை" கதைகளின் ஆங்கில மொழிபெயர்ப்புகளும் இடம் பெற்றுள்ளன. அப்படியே எழுத்தில் கொண்டு வந்து விட முடியாது. அதற்கென்று ஒரு ஒழுங்கமைவு தேவைப்படுகிறது. இந்த ஒழுங்கமைவிற்கு தயார்படுத்திக் கொள்வது அவசியமாகிறது. அதுவும் எழுதத் தொடங்குவதற்கான ஒழுங்கமைவில் இந்த முயற்சி முக்கியப் பங்காகி விடுகிறது. வார்த்தைகளின் ஒழுங்கமைவும், மொழியின் இயல்பும் பொருந்தி வருகிற போதே ஒருவன் எழுத ஆயத்தம் செய்து கொள்ளலாம். அதற்காகக் காத்திருக்கிற 'தவம்' அர்த்தமற்றதாகக் கூட அமைந்து விடுகிறது.தில்லி தமிழ்ச்சங்கம் ஒரு பாராடு விழாவை நட்த்தியது. அதில் நானும் உரையாற்றினேன்.---------------- சுப்ரபாரதிமணியன் -




திங்கள், 17 ஆகஸ்ட், 2009

கவிதை நூல் வெளியீடு

கனவு - சமூக, கலை இலக்கிய, கலாச்சார அமைப்பு

- கவிதை நூல் வெளியீடு






சுபமுகியின் ‘இராசயன்பொடிக் கோலம்’ என்ற கவிதைத் தொகுப்பு நூல் வெளியீடு ஞாயிறன்று மத்திய அரிமா சங்கத்தில் நடைபெற்றது. திரைப்படக் கலைஞர் அஜயன்பாலா நூலை வெளியிட, திருப்பூர் முத்தமிழ்ச் சங்கத் தலைவர் கே.பி.கே.செல்வராஜ் பெற்றுக் கொண்டார். விழாவில் சுபமுகியின் கவிதை நூலை வழக்கறிஞர் ரவி அறிமுகப்படுத்திப் பேசினார். மத்திய அரிமா சங்கத் தலைவர் முருகசாமி தலைமை வகித்தார். அரிமா மாவட்ட தலைவர் சுதாமா கோபாலகிருஷ்ணன் முன்னிலை வகித்தார்.





விழாவில் மதுரைப் பல்கலைக்கழக முன்னாள் துணைவேந்தர் ப.க.பொன்னுசாமி அவர்களின் ‘படுகளம்’ நாவலை சுப்ரபாரதிமணியன் அறிமுகப்படுத்திப் பேசினார்.

விழாவில் ‘அஜயன்பாலா படைப்புலகு’ என்ற தலைப்பில் கருத்தரங்கு நடைபெற்றது. ‘அஜயன்பாலாவின் சிறுகதைகளில் விளிம்பு நிலை மனிதர்கள்’ என்ற தலைப்பில் எஸ்.ஏ.பாலகிருஷ்ணன் பேசினார். ‘அஜயன் பாலாவின் திரைப்படக்கனவு’ என்ற தலைப்பில் தாண்டவக்கோன் உரையாற்றினார். ‘அஜயன்பாலாவின் புரட்சி நாயகர்கள்’ என்ற தலைப்பில் நிசார் முகமது உரையாற்றினார். அஜயன் பாலாவின் ‘கூட்ஸ் வண்டி’ என்ற வலைத்தளத்தைப் பற்றி முத்துசரவணன் உரையாற்றினார்.

தாய்த்தமிழ்ப் பள்ளித் தலைவர் முத்துசாமி, கவிஞர்கள் ஜோதி, சிவதாசன், நாடகக் கலைஞர் சாமி, வரலாற்று ஆய்வாளர் அனந்தகுமார், பத்திரிகையாளர் கே.எஸ், குறும்பட இயக்குனர்கள் ரவிக்குமார், கார்த்திகேயன் ஆகியோர் கலந்து கொண்டு உரையாற்றினர். ஜெயபால் நன்றி தெரிவித்தார்.


செய்தி: K.ரவிக்குமார்
இடுகையிட்டது நேரம்