இன்று நேற்று நாளை பட இயக்குனர் ஆர் இரவிக்குமார் இயக்குனர் இயக்கிய

சதுரங்க மனிதர்கள்  :  குறும்படம்        ; சுப்ரபாரதிமணியன்

திருப்பூர் இளம் குறும்படைப்பாளிகளின் களமாக விளங்கி வருகிறது. இளம் படைப்பாளிகளில் மிகவும் இளையவர் ரவிக்குமார். லீவு, எட்டாம்வகுப்பு, கழல், எதிர்வினை, சுமங்கலி ஆகிய குறும்படங்களுக்குப் பின்பு இவர் இயக்கி வந்திருக்கும் 15 நிமிடக் குறும்படம் "கண்ணாமூச்சி".தொடர்ச்சியாக அக்கரையுடனான செயல்பாட்டினால் "கண்ணாமூச்சி"யை வந்தடைந்திருக்கிறார் ரவிக்குமார். அவர் சார்ந்த பொதுவுடமை இயக்கச் செயல்பாடுகள் சமூகவியல் சார்ந்த முழு அழுத்தத்தைத் தரும் விஷயங்களையே இதுவரை அவரின் படைப்புகளாக்கியிருக்கிறது. விடுமுறைகூடக் கிடைக்காமல் பனியன் கம்பனியில் உழலும் சிறுவனைப் பற்றிப் படம் எடுத்திருக்கிறார். சரியான கல்வி வசதியும், உதவியும் இல்லாத ஒரு சிறுவன் தொழிற்சாலைக்குள் தள்ளப்படுவதைக் குறும்படமாக்கியிருக்கிறார். பல ஆசைகளில் உடம்பை நிர்மூலமாக்கும் மதுவின் தன்மை பற்றி ஒரு நிமிடக் குறும்படத்தில் காட்டியிருக்கிறார். பின்னலாடை, நூற்பாலைகளில் பதின்பருவப் பெண்கள் கொத்தடிமைகளாய் ஆக்கப்பட்டிருக்கும் கொடுமை பற்றி 'சுமங்கலி’ பேசுகிறது. ’தழலில்’ சின்னச் சின்ன ஆசைகள் தலைமுறைகளைத் தாண்டி கடந்து போவதாக இருக்கிறது. 'கண்ணாமூச்சியில் தலைமுறை இடைவெளி கடந்த தாத்தா பேரன் உறவு பற்றிய அழுத்தம் இருக்கிறது.சிறந்த சிறுகதைத் தன்மையை 'கண்ணாமூச்சி’ அதன் திரைக்கதையாகப் பெற்றிருக்கிறது. திருப்பம் தரும் எதிர்வினை முத்தாய்ப்பாக அமைந்துவிட்டிருக்கிறது. தாத்தா பேரனிடம் கதை சொல்லும்போது யதார்த்த உண்மைகளை மீறி தனது வீரச்செயல்களுக்கான முத்திரையை நிறையச் சொல்லுவார். தனது ஆளுமையை நிலைநிறுத்த அது தேவையானது என்றிருப்பவர். நொய்யல் ஆற்றில் கரைபுரண்டோடிய வெள்ளம் பற்றி பேரனிடம் கதை சொல்கிறார். கதை கேட்டு பேரன் தாத்தாவுடன் நெருங்கியிருக்கிறான். அவனது நண்பன் செஸ்-ஸில் வெல்ல முடியாதவனாக இருப்பதாகக் காட்டி அவனைத் தாத்தா வெல்ல வேண்டும் என்கிறான். "நீங்க செஸ் சேம்பியன் ஆச்சே தாத்தா" ... தலையாட்டிவிடும் தாத்தா வேறு வழியின்றி செஸ் கற்றுக்கொள்கிறார்.தனது பழைய நண்பன் ஒருவனை தேடிச்சென்று செஸ் நகர்வுகளைக் கற்றுக்கொண்டும் செஸ் பற்றிய புத்தகங்களை வாசித்தும் ஒருவார இடைவெளியில் பையனை ஞாயிறில் எதிர்கொள்ளவேண்டிய கட்டாயத்தில் கற்றுக்கொள்கிறார். வீட்டில் பலரின் விமர்சனத்திற்கு ஆளாகிறார். "பேரன் கேட்டிருக்கிறான், என்ன செய்ய"? ஞாயிறில் அந்த செஸ் பையன் வருவதில்லை. பேரனுக்காகக் காத்திருந்து அலுத்துப்போகிறார் தாத்தா. கையில் பேட்டுடன் கிரிக்கெட் மைதானத்திலிருந்து வருகிறான் பேரன்.

" இன்னிக்கு ஞாயிற்றுக்கிழமை. செஸ் போட்டி உன் பிரண்டோட இருக்கே. எங்கடா அவன் பயந்து போயிட்டனா?"

"அதிருக்கட்டும் தாத்தா." என்று கிரிக்கெட்டில் வீரனான அவனின் நண்பனான ஒருவனைக் குறிப்பிட்டு அவ்னைத் தாத்தா தோற்கடிக்க வேண்டும் என்கிறான்.

"தாத்தாதான் கிரிக்கெட்டிலும் சாம்பியனாச்சே"

"ஆமாமா"

காலச்சூழலுக்கேற்ப தன் நண்பர்களையே சக நடிகர்களாக்கி அந்த அனுபவங்களுக்குள் அமிழ்ந்திருக்கிற அவர்களை கதை மாந்தர்களின் மூலம் வெளிப்படுதுவதாய் தனக்கு நெருக்கமானவர்களை நடிக்க வைத்திருக்கும் ரவிக்குமார், அந்த நெருக்கமானவர்களின் பலவீனஙகளை கடந்து திரையில் வெளிப்படுத்த சிரமஙகள் பட்டிருந்தாலும் அவர்களின் அனுபவங்களை நடிப்பிற்கும் உரமாக்கிக் கொள்கிறார். சக மனிதர்களால் வெளிப்படும் படைப்பிற்கான தன்மை யதார்தத்திற்கு வெகு அருகாமையில் இருக்கிற்து. அந்த வகையில்  கே.பொன்னுசாமி, நந்தகோபால், சபரி ஆகியோர் நடிப்பை சொல்லலாம். உயர்ந்த தொழில் நுட்பக் காமிராவைப் பயன்படுத்தியிருந்தால் இப்படத்தின் தரம் வெகுவாகக் கூடியிருக்கும். சதுரங்கபலகைக் காட்சிகள், பலருடன் விளையாடுவதைக் காட்டியிருப்பது, சூழலை சரியாகக் காட்சிக்குள் கொண்டுவருவதில் நேர்ந்த அக்கறை இருக்கிறது. அக்கறை கொண்ட தலைமுறை குதிரைப்பாய்சசலாய் விரைந்துகொண்டிருக்கிற்து.

திருப்பூர் மக்கள் மாமன்றம் :           

இலக்கிய விழா

திருப்பூர் மக்கள் மாமன்றம்  ஏற்பாடு செய்திருந்த  இலக்கிய விழா ஞாயிறு அன்று  திருப்பூர் நஞ்சப்பா உயர்நிலைப்பள்ளியில் நடைபெற்றது.  திருப்பூர் மக்கள் மாமன்றம் தலைவர் முனைவர் சி. சுப்ரமணியம் தலைமை தாங்கினார்.

விழாவில் சென்னை “ இலக்கியச் சோலை “ மாத இதழ் தயாரித்த ” திருப்பூர்  சிறப்பிதழை”   பத்மஸ்ரீ டாக்டர்  ஏ. சக்திவேல் ( தலைவர் , திருப்பூர் ஏற்றுமதியாளர் சங்கம் )  வெளியிட்டார்.

ஜெய்ஸ்ரீ ராம் கல்விக்குழுமம், சேர்மன் கே.எம். தங்கராஜ்  தமிழறிஞர்களுக்கும் பல்துறை சாதனையாளர்களுக்கும் விருதுகள் வழங்கினார். அவர் சார்ந்த கல்வி நிறுவனங்கள் ஏழை மக்களுக்கு செய்து வரும் கல்வி உதவியை விவரித்தார்.

 எழுத்தாளர் சுப்ரபாரதிமணியன் ( எழுத்துப்பணி ) , ஆனந்தகுமார் ( மக்கள் மாமன்றம்)   ,   கேபிகே செல்வராஜ்            ( கல்விச்சேவை )  , ஞானவேல் ( சமூக சேவை)    என்.சிதம்பரம்( முயற்சி ) உட்பட பலர் விருது பெற்றனர்.

 பத்மஸ்ரீ சக்தி வேல் பேசியது:

 ” நேற்றைய தொழிலாளர்கள் இன்றைய முதலாளிகள் “  என்பதை திருப்பூரை பின்னலாடைத் தொழிலைச் சார்ந்தவர்கள் தொடர்ந்து உள்ளூர் தொழிலில் நிருபித்து வருகிறார்கள். வியாபாரம் சார்ந்த ஒரு நகரில் நடப்பவை  பெரும்பாலும் வணிகம் சார்ந்த நடவடிக்கைகளாக இருக்கின்றன. ஆனால் நம்மை மேம்படுத்தும் இலக்கிய நடவடிக்கை சார்ந்த செயல்பாடுகள் தொடர வேண்டும். வாசிப்பு என்பது சகமனிதனுக்கு, தொழிலாளர் அனைவருக்கும் தேவை. அத்தகைய வேலைப்பளுவில் இருக்கிறோம். அதிலிருந்து விடுபட வாசிப்பும், வணிக நோக்கமற்ற நடவடிக்கைகளும் மிகவும் தேவை.

எழுத்தாளர் சுப்ரபாரதிமணியன் பேசியது:

பல்துறை சார்ந்த இதழ்களும் நூல்களூம் நிறைய வெளிவரும் காலம் இது. பல்துறை சார்ந்த வாசிப்பும் பெருகியுள்ளது. ஆனால்  இலக்கிய வாசிப்பு குறைந்திருக்கிறது. இலக்கிய வாசிப்பை மேம்படுத்தும்  நடவடிக்கைகள் நமக்குத் தேவை. நடைமுறைக் கல்வியிலிருந்து வேறுபட்டு மாற்றுக்கல்வியையும் அதன் மூலமான மாற்றுச் சிந்தனைகளையும்   உருவாக்க இலக்கிய வாசிப்பு அவசியம். அதை பள்ளிகளிலிருந்தே இன்னும் தீவிர முயற்சிகளில்  ஏற்படுத்தவேண்டும். அதற்குத் தாய்வழிக்கல்வியும், பகுத்தறிவும் அடிப்படைகளாக இருக்கும்.

முன்னதாக கோவை கோகுலம் தலைமையில் நடந்த கவியரங்கில் நம்ம ஊர் கோவிநாத், து.மு.சாமி, சிவதாசன், நவநீதன், சு.வேலுச்சாமி, மு.மணிமேகலை  பங்கேற்றனர்.

 “ பெரியார் அண்ணா “ என்ற தலைப்பில் பாண்டி மு. வேலு கருத்துரையாற்றினார். இலக்கியச்சோலை ஆசிரியர் சோலை தமிழினியன் ஏற்புரை ஆற்றினார்.

 “ இலக்கியச் சோலை “ மாத இதழ் தயாரித்த ” திருப்பூர்  சிறப்பிதழில்”   திருப்பூரைச் சார்ந்த 25 படைப்பாளிகளின் படைப்புகள் இடம் பெற்றுள்ளன. 

சாகித்ய அகாதமி : இலக்கிய நிகழ்ச்சி

16/9/15 புதன் காலை 10 மணி

சிக்கண்ணா அரசு கலைக் கல்லூரி, திருப்பூர்

உரையாளர்கள்:’

* சுப்ரபாரதிமணியன்

* குழந்தைவேலு ( 5 நாவல்கள், 2 சிறுகதைத் தொகுப்புகள் )

* தாண்டவக்கோன் ( 10 குறும்படங்கள், 30 சிறுகதைகள் )

மைசூர் யாத்திரை:                       சுப்ரபாரதிமணியன்

             ” கல்வித்துறையில் மதவாதிகளின் ஆதிக்கம் அதிகரித்து வருகிறது. பொதுப் பாடத்திட்டம்  சாத்யமாகிற போது பொதுப்பள்ளி ஏன் சாத்தியமாகாது. அதற்காக நாம் போராட வேண்டும். வகுப்பு வாதத்தை வகுப்பறைக்குள் அனுமதிக்கக் கூடாது. மதங்கள் பல, மொழிகள் பல என்று பின்பற்றி வாழ்ந்து வரும் இந்திய மக்களின் வேறுபாட்டை அங்கீகரித்து வேற்றுமையில் ஒற்றுமையைக் காணும் இந்தியப்பண்பாட்டை தாய்மொழிக்கல்வி மூலம் சரியாக அடையாளம் காண முடியும். பன்முகப்பண்பாட்டைக் கொண்டாடும் பாகுபாடற்ற பாதுகாப்பான கல்வி முறையை கோரும் அகில இந்திய போராட்டப் பயணம் தொடரும்  என்றார். “ என்றார் கல்வி உரிமையே அமைப்பைச் சார்ந்த கல்வியாளர் சென்னை கஜேந்திர பாபு அவர்கள் மைசூர் பல்கழகக்கழக வளாகக் கூட்டத்தில் பேசும் போது குறிப்பிட்டார்.

கல்வி வணிகமயமாக்கலுகு எதிரான யாத்திரை கன்யாகுமரியில் ஆரம்பித்து, பின்  ஒளிச்சுடர் அளிக்கும்  நிகழ்வு மைசூரில் நடைபெற்றது. இது போபால் வரை தொடரும். மைசூர் பல்கலைக்கழக வளாகத்தில் நடைபெற்ற கல்வி குறித்த கருத்தரங்கில்   கன்னட எழுத்தாளர் தேவனூரு மகாதேவாவும் உரையாற்றினார். “ இந்தியாவை கார்ப்பரேட்டுகளும் மத நிறுவனங்களுமே ஆள்கின்றன. பத்திரிக்கைத்துறை, நீதிமனறம், காவல் துறை எல்லாமே கார்ப்பரேட்டுகளுக்கு விலை போகின்றன.இன்னுமொரு சுதந்திரம் குறித்த போராட்டதோடு மாற்றுக்கல்வி குறித்தும் அக்கறைப்பட வேண்டியிருக்க்கிறது ” என்றார். அவரின் பல நாவல்களை பாவண்ணன், தி,சு.சதாசிவம் ஆகியோர் மொழிபெயர்த்திருக்கிறார்கள்.  aawthiraavaisseerwtha aaஆந்திராவைச்சார்ந்த பேரா. ஹரகோபால் பேச்சில் அனல் தெறித்தது..     “ கார்ப்பரேட் வல்லூறுகள் எல்லாவர்றையும் விழுங்கி வருகின்றன.  அரசுகள் நவதோயா, சிபிஎஸ்சி பள்ளிகளை நடத்தும் போது அரசுப்பள்ளிகளை நடத்துவதில் என்ன சிரமம். ஆனால் அரசு பள்ளிகளை நடத்த விடாமல் பல தடைகள் உள்ளன. ஜனநாயகம் நிலைத்திருக்க வேண்டுமானால்  அரசுப்பள்ளிகளில் கல்விப்பணி தொடர வேண்டும். விளிம்பு நிலை மக்களுக்கும்,கிராம மக்களுக்கும் அரசுப்பள்ளிகளைத் தவிர வேறு விமோசனம் இல்லை. pகொடிய விசம் கொண்டு எல்லாம் அழிக்கப்படுகின்றன.தனியார்மயம், கார்பரேட்டுகளின் ஆதிக்கம் அந்த விசம்.அதை முறியடிக்க வேண்டும். தனியார் மயமாக்கலும், வணிக மயமாக்கலும் தொடர்ந்து கொண்டிருப்பதை எதிர்க்க வேண்டும் “ என்றார்.eeraa..     உயர்கல்வியில் அன்னிய முதலீட்டை அனுமதிக்கக் கூடாது. முன்பருவக் கல்வி முதல் மேல்நிலைக்கல்வி வரை படிக்க அருகமைப்பள்ளி அமைப்பில் பொதுப்பள்ளி முறைமையை உருவாக்க வேண்டும் என்பதை பேசிய பல எழுத்தாளர்களும், பேராசிரியர்களும் வலியுறுத்தினர்.இந்தியாவில் அனைத்துக் குழந்தைகளும் அந்தந்த மாநில மொழிகளில் மாநில அரசுகளின் கீழ் ஒன்றாக கல்வி கற்க 86ம் சட்ட திருத்த்த்தின் பாதகமான அம்சங்களைச் சரி செய்ய இந்திய அரசமைப்புச் சட்டம் மீண்டும் திருத்தப்பட்டு பிறப்பு முதல் 18 வய்து வரை , தொடக்க காலக் குழந்தைப்பராமரிப்பு முதல் மேனிலைப்பள்ளி  கல்வி முடியும்வரை  அனைத்துக் குழந்தைகளுக்கும் கட்டணமிலாக் கல்வியை அரசு  தன் பொறுப்பிலும் செலவிலும் அருகமைப்பள்ளி அமிப்பில் பன்மொழி கற்கும் வாய்ப்புடன் கூடிய தாய்மொழி வழியில் பொதுப்பள்ளி மூலம் கல்வி உரிஅமி வழங்கிட வலியுறுத்துகிறது.கல்வியும் சுகாதாரமும் அனைத்ஹு மக்களுக்கும் கிடைக்கக்  கூடிய கட்டமிப்புகளை உருவாக்கிட மொத்த உற்பத்தியில் இந்திய அரசு கல்விக்கு 10%, சுகாதாரத்திற்கு 5% வீதமும் ஒதுக்கிட வேண்டுகிறது. அந்நிய முதலீட்டைத்தடுத்திட, எந்த வகையிலும் அரசு தனியார் கூட்டை அனுமதிக்கக் கோரியது.

.திருப்பூர் மாவட்டத்திலிருந்து காங்கயம் மூர்த்தி தலைமையில் இருபது பேர் அக்கருத்தரங்கிலும், பயணத்திலும் கலந்து கொண்டன்ர். சத்தியமங்கலத்திலிருந்து சுடர் நடராஜன் தலைமையிலான குழுவும் எங்களுடன் சேர்ந்து கொண்டது. சூரியா, காந்திசெல்வன் போன்ற கோவை அரசுக் கல்லூரி மாணவர்களைக் கொண்ட பறை இசைக்குழு பயணம் முழுவதும் எதிர்ப்புக்குரலாக பறையொலியை முழக்கினர். அவர்களின் பறையொலியை எழுச்சியுடன் மைசூர் மக்கள் அந்நகர வீதிகளீல் கேட்டனர்.

  நடிகையும் முன்னாள் எம்பியுமான மாளவிகா வின் பெங்களூரில் சிறுமிகளுக்கு எதிரான பாலியல் கொடுமைகுறித்த  போராட்டம் சில இடங்களில் போக்குவரத்தைச் ஸ்தம்பிக்கச்செய்தது, காவிரி ஆற்றின் குறுக்கே மேகதாதுவில் மூன்று அணைகள் கட்டப்படும் முயற்சிகளைப்பற்றிய வைகோ, மு.க. உட்பட  பலரின் எதிர்ப்பை கன்னடப் பத்திரிக்கைகள் நிராகரித்திருந்தன். உள்ளூர் பதிப்பு தமிழ் தினசரிகளில் அவைமுக்கியச் செய்திகளாக்கப்பட்டிருந்தன. கலவி யாத்திரை முக்கியச்செய்திகளில் இடம்பிடித்தது. மழலையர் கல்வி முதல் பல்கலைக்கழக் உயர்கல்வி வரை அரசே வழங்க வேண்டும் என்ற கோரிக்கையை சில கன்னட நாளிதழ்கள் தலையங்கங்களாக வெளியிட்டிருந்தன.

   கல்வி உரிமைக்கான் அகில இந்தியக் கூட்டமைப்பு சார்பில் நடைபெற்ற கல்விக்கான இந்த  அகில இந்தியப் போராட்டபப்யணம்  போபாலில் அகில இந்திய அளவிலான ஒரு �து “ இது. .

முதுமை வரமா சாபமா.

    விஜயலட்சுமி சுந்தர்ராஜனின் “ வானப்பிரஸ்தம் “ நூல்

                      சுப்ரபாரதிமணியன்

தள்ளாத வயது...

காற்றின் இழுப்பிற்கு

தள்ளாடும் நடையும்...

எதை நோக்கியது

இந்த நடை...

நடந்தால் மட்டுமே

நாட்கள் தன்னைக்

கடந்துப் போகுமென்றா?

நடக்காத நாட்களை

தன்னால்

கடக்க முடியாதென்றா?

உயிரிருக்கும் கூட்டை

உறுதி செய்யவா?

இறுதியின் நிலையை

உலகுக்கு பிரகடனப்படுத்தவா?

எதை நோக்கியது

இந்த நடை,

காற்றின் இழுப்பிற்கு

தள்ளாடும்

வயதுடன்... (  கோவை அகிலாவின் கவிதை )l

      முதுமை வரமா சாபமா என சர்ச்சை, சந்தேகம் தள்ளாட வைக்கிறது. முதியோர் இல்லங்களும் வரமா சாபமா என சர்ச்சை, சந்தேகம் இருக்கிறது. முதியோர் இல்லங்களில் முதியோருக்கு விதிக்கப்பட்ட தனிமை பயமுறுத்துவது. ஆனால் அவை வரமாக எப்படி அமைந்துள்ளன என்பதை விஜயலட்சுமி சுந்தர்ராஜனின் இந்நூல் விளக்குகிறது.

            விஜயலட்சுமி சுந்தர்ராஜனின் இதற்கு முந்தைய நூல்  ஆலமரம். 1000 பக்க நாவலாகும்.  நான்கு தலைமுறைக்குடுமபத்தின் 100 வருட வாழ்க்கையை விவரித்தது. வைணவ குடும்பம் சார்ந்த வாழ்க்கையின் நீரோட்டமும், திருமண , குழந்தை பேறு, சாவு உடபட பல சடங்குகளும் சிறப்பாக  விவரிக்கப்படிருந்தன.இருபதற்கும் மேற்பட்ட கதாபாத்திரங்களின் வாழக்கையை விவரிப்பதன் மூலம் வெவ்வேறு தலைமுறைகளின் வாழ்நிலை வேறுபாட்டையும் விவரித்த நாவலாகும் 

      விஜயலட்சுமி சுந்தர்ராஜனின் “ வானப்பிரஸ்தம் “ நூல் முதியோர் இல்லங்கள் வரமாக அமைந்து அவர்களை ஆசுவாசப்படுத்துவதைச் சொல்கிறது . நாவல் தன்மையில் பல்வேறு மனிதர்கள் கதா  பாத்திரங்களாக உருக்கொள்கிறார்கள்.வாழ்க்கையின் இறுதி கட்டத்தில் சொந்த பந்தங்களைத் துறந்து தனிமையை நாடி வனவாசம் சென்று கிடைததை உண்டு அந்திம காலத்தினை கடத்திட வேண்டும் என்று அர்த்தம் கொள்வதற்கு மாறாக கார்ப்பரேட்டுகள், வசதி கொண்டவர்களுக்கான் நவீன முதியோர் இல்லங்கள் அவர்களுக்கு ஆசுவாசம் கொள்ளும் வகையில் அமைந்திருப்பதை இந்நூல் விளக்குகிறது.செல்லம்மாள் குடிகாரக்கணவனிடம் இருந்து தப்பிப்பதற்காக மு.இ. வந்தவள். கணவன் இறந்த பின் தனிமையாக்கப்பட்டவள். பிள்ளைகளுக்கு தொந்தரவு வேண்டாம் என்று கிளம்பி விட்டவர் . கோவிந்தராசு பாமரன். கமலம்மா அடிக்கடி நோய் வாய்ப்படுபவள்.        “ சம்சார சங்கீதம்தான் தட்டு , கரண்டிதான் பக்க வாத்யம் இதுகளோடு நித்தியம் பாடறேன் “ என்று ஒதுங்கிக் கொண்டவள். அப்பாசாமி மனைவிக்கு ஞாபகமறதி. அவர்களுக்கு புது இடம், புது அனுபவமாய் எல்லாம் அமைந்து விடுகின்றன. பொய் உயிலால் பாதிக்கப்பட்டவர்களும் வந்து சேர்கிறார்கள்.  முதுமை தவிர்க்க முடியாத ஒரு கால நிலை, மனித வாழ்வில் ஏற்படும் இயறகையான மாற்றம். இதை வரவேற்று ஒத்துக் கொள்ள ஒவ்வொரு மனிதனும் முதுமையில் தயாராக இருக்க வேண்டும் என்று ஏற்றுக்கொள்கிறவள் சாரதா. இப்படி பல மனிதர்களின் வாழ்க்கை புனைவுத்தன்மையிலாமல் தரப்பட்டிருக்கிறது. பல்ரின் வாழ்க்கை கடிதங்கள் மூலமும் சொல்லப்பட்டிருக்கிறது.இந்த கடித வகைப்படுத்தல் ஒரே மாதிரியான வாசிப்பிலிருந்து வேறு பாதைக்கு வழிகாட்டுகிறது.  சமையலறை சம்பவங்களும், வெவ்வேறு வகை மனிதர்களின் நடவடிக்கைகள்  நகைச்சுவையுடன் சொல்லப்பட்டிருகின்றன. முதியோர் இல்ல நிர்வாகங்களும் அவற்றில் வசிப்பவர்களும் பங்கும் ஜனநாயகத்தன்மையோடு இருப்பதை காட்டுகிரார். . பொருளாதாரம், போக்குவரத்து, பாதுகாப்பு இந்த மூன்று “ப “ வுக்கும் ஒரே விடை முதியோர் இல்லம என்பதை நிரூபிக்கும் பல நெகிழ்ச்சியான சம்பாவங்கள் இதில் உள்ளன.அங்கு நிகழும் சாவுகளும்,  உரையாடல்களும் ., பகிர்வும் நெகிழ்ச்சியாகத் தரப்பட்டிருக்கிறது . முதியோர் இல்லப் புகைப்படங்கள் அவர்கள் வாழும் சூழலைக் காட்டுகின்றன. அங்கு வாழ்வதை ரசித்துக் கொண்டு ஒதுங்கியிராமல் பல முதியோர் இல்லங்களுக்கு வது சேர சிபாரிசு செய்கிறது. குழப்பங்களும் தீர்வு காண இயலாத பலருக்கு தெளிவைக் கொடுக்கிறது.  வரமா சாபமா என சர்ச்சை, சந்தேகங்களூக்கு மத்தியில்  வரம் என்று தீர்ப்பு வழங்கி விடுகிறது. படைப்பிலக்கிய வாதி என்ற வகையில்  ஒரு எழுத்தாளர் மு.இ. இருந்து அந்த அனுப்வங்களை வாரி வழங்கியிருக்கிறார். பலருக்கும் பயன் படும்  ” வானப்பிரஸ்த அருமருந்து “ இது. .( kaavya Publn)

கொட்டும் தேனீ  :  நியூட்ரினோ

                 சுப்ரபாரதிமணியன்

அருவியில் குளிக்கும் போது திடீரென்று நியூட்ரினோ ஞாபகம் வந்து திக்கென்றது.பக்கத்தில் பொட்டிப்புரம் அருகே அமையயுள்ள நியூட்ரினோ ஆய்வுக்கூடத்திற்கு  மத்திய அரசு ஜனவரியில் அங்கீகாரம் அளித்து ரூ 1500 கேடு நிதியையும்   வெளியிட்டுவிட்டது.  உலக் அளவில் அய்ந்தாவது நியூட்ரினோ திட்டம் அது. முன்பு நீலகிரி மாவட்டம் சிங்காரா பகுதியில் அமைக்கப்படுவதாக இருந்த்து. நீலகிரி மக்களின் எதிர்ப்பால் இடம்பெயர்ந்து விட்டது.

 சுருளி அருவியில் குளித்து விட்டு வெளியே வந்த பின்புதான் குளித்தது கொஞ்சம் அருவிநீரில், கொஞ்சம் மழைத்தூறலில் என்பது தெரிந்தது.( முதல்நாள் குற்றாலத்தில் 45 நிமிடம் வரிசையில் நின்று  குளித்த அனுபவத்திற்கு மாறாக சுருளி அருவியில் 20 நிமிட ஆனந்தக்  குளியல் )   நனைந்து கொண்டே நடந்து பேருந்து நிலையம் வந்தோம். ஏகப்பட்ட போலிச்சாமியார்கள். மவுன சாமியார், அழுக்குச் சாமியார், சாக்கடைசாமியார் என்று. ஆயிரம் லிங்கங்கள் வைத்து வேடிக்கை காட்டுகிறார்கள். சாமியார்கள் தரும் வரங்களை விட மக்களின் பேச்சு வெகு நம்பிக்கை தரக்கூடியது. சுருளி அருவியில் 90 நாட்கள் குளித்தால் குஷ்டரோகம் கூட குணமாகும். சுருளி தீர்த்த நீரில் விழுகிற குச்சிகள், இலைகள், எலும்புகள் எல்லாம் கல்லாகும். இலைகள் அழுகாமல் பொரித்த அப்பளம் மாதிரி இருக்கும் அரக்கர்களுக்குப்பயந்து  முப்பது முக்கோடித்தேவர்களும் இங்குதான் ஒளிந்து வாழ்ந்தார்களாம். 1008 குகைகள் உள்ளன.சீதையைத் தூக்கிச் செல்லும்போது இராவணனை எதிர்த்த ஜடாயுவின் சிறகு வெட்டப்பட்டு வீழ்ந்த் இடம், இராமாயண கால்த்தில் வரும் கதை மாந்தர்கள் யார் யார் அவதரிப்பது என்று முடிவு செய்த இடம், சனிபகவான் சூரபத்மனை வதம் செய்ய  வந்த போது இன்று போய் நாளை வா என்று விநாயகர் ஏமாற்றிய இடம். வீரபத்திர்ர் சாபத்தால்  கல்லாகிப் போன காமதேனு பசு சாப விமோசனம் பெற்ற இடம்.கைலாசநாதர் குகை வாசலில் மகாதேவன் காட்சி தந்து “ திருமுருகன் உதயமாவான் “ எனத் தேவர்களுக்கு வாக்கு தந்த் இடம் என்று பல வாய் மொழிக்கதைகள் சுருளி அருவிக்கு உண்டு. 

  கம்பம் பள்ளத்தாக்கைப் பார்க்கும் போதெல்லாம் இந்த பசுமையை விட்டு விட்டு எதற்கு திருப்பூர் பனியன் கம்பனிக்கு பஞ்சம் பிழைக்க வருகிறார்கள் என்று தோன்றும். கூலிகள் என்ன செய்வார்கள். எங்கிருந்தாலும் கூலிதான். முந்திரி, திராட்சை, வாழை என்று பணப்பயிர்கள் ஏற்றுமதியில். கடவுள் பூமி கேரளாவிலிருந்து கழிவுகளைக் கொண்டு வந்து கொட்டும் பூமியாக தேனி மாவட்டம் மாறி விட்டது (   பொள்ளாச்சி, கோவை பகுதிகளிலும் இதே போல் தான் கேரளாவிலிருந்து கழிவுகளைக் கொண்டு வந்து கொட்டுகிறார்கள் ) கேரளாவில் சுற்றித்திரியும் நாய்களை இங்கு கொண்டு வந்து விட்டு விடுகிறார்கள். ( மன நோயாளிகள் எந்த மாநிலமானாலும் எங்காவது கொண்டு வந்து விட்டு விடுகிறார்கள். சுமங்கலித்திட்டம் என்று இளம் பெண்களை பஞ்சாலைகள், பனியன் தொழிற்சாலைகளில் கொண்டு வந்து விட்டு விடுகிறார்கள்).  தேனி மாவட்டத்தில் பஞ்சாலைகள்  ஏக்தேசம் மூடப்பட்டு விட்டன.தேனியின் தென்கிழக்குப் பகுதியில் வள்ளல் நதியின் மீது கண்டமனாயக்கர்களால் உருவாக்கப்பட்ட கண்டமனூர் அழகு ஊர்தான். மிருகங்கள்  அதிகம் வசித்த வருசநாடு மனிதர்களின் பூமியாக மாறி , மிருகங்கள் துரத்தப்ப்பட்டு விட்டன.பென்னிகுக் பெயரால் தேனியின் பேருந்து நிலையம், பல பாலங்கள், கடைகள், சலூன்கள் என்று விரவிகிடக்கின்றன. பென்னிக்குக் நினைவு மண்டபம் அதிகம் கவனிக்கப்படாமல்  அழுக்கடைந்திருக்கிறது., மரக்கா மலையின் அழகு பூஞ்சோலைகளால் மிளிர்கிறது.மரக்கா என்றால் பூஞ்சோலை என்று அர்த்தமாம்.வளம் கொழிக்கும் சின்னமனூர்  காசு போட்டால் காசு விளையும் பூமிதான் எப்போதும்.சிவகாமி அம்மன் கோவில் நாகலிங்கப்பூ அதிசயம் போல் படும் . ஒரு நாகம் படம் எடுத்து ஆட அதன் நிழலில் லிங்கம் இருப்பது போல்  தோன்றுவது பலரை வசீகரப்படுத்துவது.

முல்லைப் பெரியார் அணை 142 அடிகளாக உயர்த்தப்பட்ட ஆணையை ஒட்டி பிரமாண்டமான விழாக்கள் நடைபெற்றன.முல்லைப் பெரியாறு அணைப்பகுதியில் 100 ஏக்கர் பரப்பில் ஆய்வு மாளிகை, பொதுப்பணித்துறையினர் தங்க 15 குடியிருப்புகளைக் கட்டியது தமிழக அரசு.இப்போது அவை சிதிலமடைந்து கிடக்கின்றன. முன்பு கேரள அரசு  அக்குடியிருப்புகளுக்கும் மின்சாரம் தந்தது. மின்சாரம் தாக்கி யானைகள் இறந்த்தால் அதைக்காரணமாக வைத்து மின்சார இணைப்பைத் துண்டித்து விட்டார்கள்.இரவில் விலங்குகள் தொல்லை. பகலில் கேரள அதிகாரிகள் தொல்லை. 1995லிருந்து ஒவ்வொரு குடும்பமாக வெளியே எல்லாம் காலியாகிவிட தமிழக அதிகாரிகள் படகுகளில் சென்று அணைப்பகுதிகளை பார்வையிட்டுதிரும்புகிறார்கள். பெரியார்  அணையில் மின்சாரம் இல்லாத்தால் மாலையிலும், இரவிலும் ஜெனரேட்டர் பயன்படுத்தப்படுகிறது. விலங்குகளைக் காரணம் காட்டி இரவில் ஜெனரேட்டர் பயன்படுத்த அனுமதி இல்லை.  அரிக்கன் லைட் வெளிச்சமே தமிழக அதிகாரிகளுக்கு கதி. சோலார் விளக்கு கூட கிடைக்கவில்லை,

        தேனி மாவட்டமே நியுட்ரினோ பயத்தில் சிக்கித் தவிர்க்கிறது. தகவல் அறியும் சட்டத்தின் மூலம் தற்போது பெறப்பட்டிருக்கும் தகவல் : ” அங்கு அணுமின் உற்பத்தி நிலையம், அணு எரிபொருள் செயல்பாட்டு மையம், அணுக்கழிவு மேலாண்மை மையம் என்ற  மூன்று இனங்கள் அடிப்படையில் அனுமதி பெறப்பட்டுள்ளது.  அங்கு அமைய இருப்பது நியுட்ரினோ ஆய்வு மையம்  அல்ல. அணுக்கழிவுகளைக்கொட்டுவதற்கான பாதள சுரங்கம்தான். ”  சற்று தாண்டினால் கேரள எல்லை. கேரளா இதற்கு ஆதரவு இல்லை . கடுமையான எதிர்ப்பு தெரிவிக்கிறது.நியுட்ரினோ, அணுக்கழிவு  எல்லாம் சேர்ந்து பிசாசுத் துகள்களின் இருப்பிடமாக தேனியை மாற்றி வருகிறார்கள்.பொட்டுப்புரம் அம்பரப்பர் மலையில் முள் வேலிகள், தண்ணீர் தொட்டிகள், காவல் அரண்கள் சாதாரண மக்களையும் அவர்கள் மேய்க்கும் ஆடு மாடுகளையும் பயமுறுத்திக் கொண்டிருக்கின்றன.   

நியூட்ரினோ  கூடம்  பிரபஞ்சத்தை முழுமையாக அறியவும் இயற்கை சீற்றங்களை முன்னதாக அறியவும்  ஏற்படுத்தப்பட்டுள்ளது.அம்பரப்பர் மலையை குடையவும், வெடிவைத்ஹ்டு தகர்க்கவும், துளையிடவும் வேண்டியிருப்பதால் சுற்றுசூழல் கேடு நிச்சய்ம் ஏற்படும். அணுக்கழிவுகளின் சேமிப்புத் திட்டமாகவும் இது பின்னால் மாறும்.  இதனால் விவசாய நிலங்கள் பயனற்று போகும் என்பது பயம் கொள்ள வைக்கிறது. எதிர்ப்பும் போராட்டமும் தருமிடமிடமாக தேனி மாறி விட்ட்து.

குப்பை உலகம்  நூல் தற்போது மறுபதிப்பில் :

 சூழல் அறம் என்ற தலைப்பில் என்சிபிஎச் வெளியீடு

சுப்ரபாரதிமணியனின் “ குப்பை உலகம் “ நூல் பற்றி

” தினமணி”  ஆசிரியர் வைத்திய நாதன் தினமணியின் “  தமிழ் மணி “ யில்::

     சுப்ரபாரதிமணியன் திருப்பூரில் இருந்து கொண்டு தமிழ் கூறு நல்லுலகைத் திரும்பிப் பார்க்க வைத்திருக்கிறார்  என்றால் அதற்குக் காரணம் அவரது அறச்சீற்றம். சுற்றுச்சூழல் பிரச்சினைகளுக்கு அவர் எழுப்பும் குரல் ஓங்கி ஒலிக்கிறது. ஆனால், செவிட்டு உலகம்  அதைக்கேட்க மறுக்கிறது. அதனாலென்ன.. அவர் ஊதுகிற சங்கை ஊதிக் கொண்டுதான் இருக்கிறார். இருப்பார்.

   சுற்றுச்சூழல் பிரச்சினைகள் பற்றிய 25 கட்டுரைகளின் தொகுப்பை “குப்பை உலகம்” என்கிற தலைப்பில்  புத்தகமாக வெளிக்கொணர்ந்திருக்கிறார். சுற்றுச்சூழலை  மாசுபடுத்தும்  எல்லாப் பிரச்சனைகளையுமே இந்தக் கட்டுரைத் தொகுப்பு தொட்டுக்காட்டுகிறது.. தொட்டுக் காட்டுகிறது என்றா சொன்னேன், இல்லை. நம்து மூளையில் உரைப்பது போல சுட்டிக் காட்டுகிறது.

“பாதரசத்தின் உற்பத்தியில்  பாதி அளவு மின்னணு பொருட்களின் தயாரிப்பிற்குப் பயன்படுகிறது. பாதரசம் நிலத்தடி நீரில் கலந்து  குடிநீராக சுலபமாக வீட்டுக்குள் வந்து சேருகிறது. இரத்தத்தில்  சிறுகச்சிறுக சேர்கிறது.மூளை , சிறுநீரகம், , கல்லீரல் போன்றவற்றை மெல்ல மெல்ல பாதிக்கிறது. மனிதனின் நினைவுகளை பாதிக்கிறது. கருவுறுதல், இனப்பெருக்கத்தில் பாதிப்பை ஏற்படுத்துகிறது” . இப்படி மின்குப்பைகளால் பாதிப்பு, பிளாஸ்டிக்குகளால் பாதிப்பு, துரித  உணவால் பாதிப்பு என்று ஏற்படுவதுடன் உலகம் குப்பையாகிக் கொண்டே வருகிறது.

      சுப்ரபாரதிமணியனின் இந்தப்புத்தகத்தை படிக்கும் ஒவ்வொருவரும் சுற்றுச்சூழல்  பாதுகாப்பு ஆர்வலராகி விடுவார்கள். நீங்கள் சுற்றுச்சூழல் பாதுகாப்பில் அக்கறை செலுத்துபவரா. ஒரே ஒரு உதவி செய்யுங்கள். அய்ந்து இளைஞர்களுக்கு இந்தப் புத்தக்த்தை வாங்கிப் பரிசளியுங்கள். அவர்களை இந்தப் பிரச்சினை பாதிக்குமேயானால்  அய்ந்து பேருக்கு அதேபோல் வாங்கிப் பரிசளிக்க பணியுங்கள். சுற்றுச் சூழல் பாதுகாப்பு பற்றிய மிகப்பெரிய விழிப்புணர்வை நாம் தமிழகத்தில்  செய்து விடலாம்,( ரூ 50 , வெளியீடு : சேவ் அமைப்பு, 5 அய்ஸ்வர்யா நக்ர், கே என்பி காலனி, தாராபுரம் சாலை, திருப்பூர் 98422 13011 )

போபால் : சவத்தின் விலை மிகச் சொற்பம்

                                                                      சுப்ரபாரதிமணியன்

      போபாலில் விச வாயு நினைவுச் சின்னம் பற்றி விசாரித்தபோது பலரும் போபால் நினைவு மருத்துவமனையைப் பற்றியே சொன்னார்கள். போபால் நினைவுச்சின்னம் பார்க்கவே சிரமப்பட வேண்டியிருந்தது.  கெடுபிடிகள்.. அசுரன் பிடித்த நகரம் போல் சோபை இழந்து இருக்கிறது  பழைய போபால்... யூனியன் கார்பைடு  தொழிற்சாலைக்கு அருகாமையில்  சுலபமாய் 5 கி மீ பகுதியில் வசிப்பவர்கள் படும் சிரமங்களை    நினைத்துப் பார்க்கவே வேதனை பெருகுகிறது

   போபால் நினைவுச்சின்னம்  பார்க்க கெடுபிடிகள்  சோர்வைத் தந்தன. முகப்பு காவலாளிகள் கும்பல் உள்ளே அனுமதிக்க முடியாது என்றார்கள். ஆங்கிலம் எதற்கும் பயன்படாது போலிருந்தது. வற்புறுத்தவே ஒரு காவலாளிகூடவே வந்து   பொது நல அதிகாரியைப் பார்க்கச் சொன்னார்கள். அவர் இன்னொருவரை துணைக்கனுப்பினார். இருவரும் கூட இருக்க நினைவுச் சின்னத்தைப் பார்த்தோம். போபால் பேரழிவின் முப்பதாவது ஆண்டை நினைவு கூற ஒரே ஒரு  மலர்வளையம் மட்டுமே நினைவுச்சின்னத்தின் கீழ் இருந்தது. ஒரே ஒரு  மலர்வளையம் வைக்க மட்டும் அனுமதியா. அல்லது யாரும் கண்டு கொள்ளவில்லையா என்ற கேள்வி மனதில் வந்தது. ” ஹோப் அண்ட் ஹோமேஜ் ” என்ற ஆங்கில எழுத்து  வரிகள் மின்னின.புகைப்படம் எடுத்த கணத்திலேயே உடனே கிளம்பச் சொன்னார்கள். அந்த இரு காவலாளிகளும் நாங்கள் வெளியேறுவரை முகப்பு கதவு வரை எங்கள் கூட இருந்து வெளியே அனுப்பி வைத்தார்கள்., அதன் பின்புறம் இருந்த 6 கி,மீ அப்பால் இருந்த  யூனியன் கார்பைடு  தொழிற்சாலைக்குள் நுழைந்து விட்டோம். சில புகைப்படங்கள் எடுத்தோம். துரத்திவந்தவர்கள் எச்சரிக்கை செய்து அனுப்பினர், உள்ளே கொட்டிக் கிடக்கும் கழிவுகள் பல ஆயிரம் டன்கள் நிலத்தையும் , நீரையும் தொடர்ந்து மாசுபடுத்தி மக்களை நோயாளிகளாகவும் பிணங்களாகவும் ஆக்கியிருக்கிறது.  திருப்பூரில் சாயக்கழிவுகள் அங்கங்கே கொட்டிக்கிடப்பது ஞாபகத்திற்கு வந்தது.இன்னும் போபால் கார்பைடு தொழிற்சாலைக்குள் 18,000 டன் நச்சுக்கழிவு கொட்டிக்கிடக்கிறது. ( திருப்பூரின் இவ்வாண்டின் பின்னலாடை சார்ந்த  அந்நிய செலவாணி வருமானம் 18,000 கோடி ரூபாய் என்ற ஞாபகம் வருகிறது.). முப்பதாண்டுகளுக்கு முன்னதாகவே 2000 லாரிகள் கொள்ளுமளவு கழிவு அங்கிருந்தது. கழிவைக் கொட்ட 32 ஏக்கர் பரப்பு குளம் அமைக்கப்பட்டு அதில் கழிவு தேங்கியிருக்கிறது.  இது போபால் நகரைச்சுற்றியிருக்கும் மண்ணையும் நிலத்தடி நீரையும் நச்சாக்கி விட்ட்து.இந்த நச்சுக் கழிவை எரிக்கும் முயற்சியில் 10 பேர் பார்வையிழந்ததால் அதுவும் கைவிடப்பட்டது. குஜராத் மாநிலத்திற்கு கொண்டு செல்லும் முயற்சிகள் அம்மாநில மக்களின் எதிர்ப்பால் கைவிடப்பட்ட்து. ஜெர்மனிக்கு கொண்டு செல்லும் முயற்சிக்கு ஜெர்மன் மக்கள் எதிர்ப்புத் தெரிவித்தனர்.இவற்றை அக்ற்றக்கோரி அமெரிக்க நீதிமன்றங்களில் தொடுக்கப்பட்ட வழக்குகள் அங்கு நிராகரிக்கப்பட்டன.புதிய டவ் நிர்வாகமும் மத்திய அரசும் இதில் கண்ணாமூச்சியும், பாராமுகமும் காட்டுகின்றன.

        சுற்றிப்பார்த்த போது தொழிற்சாலையின் சுவர்களில் நிறைய வாசகங்கள் ஆங்கிலத்திலும், இந்தியிலும் எழுதப்பட்டிருந்தன.” டவ் கெமிகல்ஸ் நிர்வாகமே. இந்தியாவை விட்டு வெளியேறு. இனி உனக்கு இங்கு வேலை இல்லை” “ குற்றவாளிகளை தண்டிக்கவும் “.      “ நஷ்ட ஈட்டுத் தொகையை சரியாக வழங்கு.  தொடர்ந்த மருத்துவ  வசதி செய்து கொடு”  “அரசே.. கெட்டுப் போன சுற்றியுள்ள பகுதிகளை சீர் அமை . ” பாதிகப்பட்டவர்களுகு அவர்களின் உடல் நலம்  பற்றிய  புத்தக ஆவணங்களை வழங்கு “ என்றபடி அந்த வாசகங்கள் இருந்தன, 

    முப்பதாண்டுகளுக்கு முன்னால் டிசம்பரின் அந்த குளிர்நாளில்  வழக்கமான பராமரிப்பு பணியின்போது  துருப்பிடித்த குழாய்கள் கசிந்து ரசாயனம் தேக்கி வைக்கப்பட்டிருந்த தொட்டியில் பாய்ந்தது. புகை மண்டலம் மேலெழுந்து  தொழிற்சாலையைத் சூழ்ந்து கொண்டது. மரணப்பிடிக்குள் போபால் நகரம் வந்து விட்டது.கண் எரிச்சல், மூச்சுத்திணறில் மக்கள் மூச்சடைத்தது.  பலர் செத்து விழுந்தனர். பலர் கண்ணில் பட்ட ( எரியும் கண் காட்டிய ) கழிவுநீர்க்  குட்டைகளில் விழுந்து உயிரை மாய்த்துக் கொண்டனர். வாந்தியும் , மலமுமாக விழுந்து தவித்தனர். உடனடியாக 10,000 பேர் செத்துமடிந்தனர். தொழிற்சாலையை சுற்றி இருந்த 6 லட்சம் மக்களின் நுரையீரல்களில் விச வாயு புகுந்து இன்னும் பாதிப்பைத் தந்து வருகிறது. செத்தவர்கள் அதிர்ஷ்டசாலிகள் என்பது போல பாதிக்கப்பட்டவர்கள் குற்றுயிரும் குலையுமாக வாழ்ந்து வருகிறார்கள். பாதிக்கப்பட்டவர்களில் 2 லட்சம் பேர் 15 வயதிற்கும் குறைவானவர்கள். அவர்களில் பலரை விசவாயு பற்றிய 30 ஆண்டு நினைவு நாள் மேடையில் , கூட்டத்தில்  போபால் விசவாயு பீடிட் மகிளா உத்யோக் சங்காதன் ஏற்பாடு செய்திருந்த சுல்தானியா ஜனன மருத்துவமனை பூங்காவில் நடந்த கூட்டத்தில் பார்க்க முடிந்தது.  மேதா பட்கரின் ஆவேசமான பேச்சில் அவர்களின் கண்களிலிருந்து கண்ணீர் கசிந்தது  ,நானும் என் பங்கிற்கு ஒரு கவிதையை எழுதினேன்.

எங்கள்து கண்கள் பறிக்கப்பட்டபின்

எங்கள் உயிர்கள் பிடுங்கப்பட்ட பின்

நாங்கள் நடைபிணங்களான பின்

நீங்ள் செய்ய ஒன்றிருக்கிறது.

வருடாந்திர திதிக் கூட்டம்

மலரஞ்சலி

கொஞ்சம் பூக்கள்

சிலவரிகளில் கொஞ்சம் கவிதைகள்.

பிறகு அடுத்த வருட்த்திற்கு காத்திருப்பது.

மேத்தா பட்கர் முழங்கிக் கொண்டிருந்தார்” “ மோடியிடமும் , முதலமைச்ச்ர் சிவராஜ் சவுகானிடமும் இன்னும்   அதிகம் எதுவும் எதிர்பார்க்க முடியாது “

பூங்காவின் முகப்பில் மூன்று பொம்மைகள். நீதித்துறை, சட்டம், பன்னாட்டு கம்பனிகள் கம்பீரமாய எங்களை ஒன்றும் செய்து விட முடியாது  என்ற நோக்கில் நின்று கொண்டிருந்தார்கள். மேத்தா பட்கர் அதைத்தான் சொல்லிக் கொண்டிருந்தார்.

 இந்திய விவசாய புரட்சி உரங்களைக் கட்டாயமாக்கி விட்டபோது   பூச்சி கொல்லி மருந்துகளுக்காக, செயற்கை உரங்களின் உறபத்திக்காகத்  தொடங்கப்பட்டதுதான் போபால்  யூனியன் கார்பைடு தொழிற்சாலை. செத்து விழுந்தவர்கள், மாடுகள் என்று எல்லோருக்கும் ஒரே இடத்தில் எரியூட்டு நடந்திருக்கிறது.  அவை எரியூட்டப்பட்ட போது எழுந்த புகை  அதைச் செய்த ராணுவத்தினரை பாதித்து மூச்சு திணற வைத்திருக்கிறது.

இன்னுன் பாதிப்பாய் 300% குறைப்பிரசவம். 200% சிசு மரணம் நிகழ்கிறதாம். இன்னும் 2 லட்சம் பேர் பாதிக்கபட்டு சிரம்ப்பட்டுக் கொண்டிருக்கிறார்கள்.உயிர் பழைத்தவர்களை பெரும் பாலும் தாற்காலிக பாதிப்பிற்கு உள்ளானவர்ளே என்று வகைப்படுத்தப்பட்டிருக்கிறார்கள்.பாதித்த ஆறுமாதற்குப்பின் மத்திய பிரதேச அரசு 87 கோடி ரூபாய் ஒதுக்கி ஆரம்பத்தில் ரூ200 பிறகு 750 ரூபாயும் நிவாரணம் தந்தது. குடும்பத்திற்கு 1500 ரூபாய் . 13 ஆண்டுகளுக்குப் பின்  யூனியன் கார்பைடு நிறுவன பங்குகள் விற்க முற்பட்டபோது உச்சநீதிமன்றம் தலையிட்டு 500 கட்டில்கள் கொண்ட சிறப்பு மருத்துவமனையை நிறுவி எட்டாண்டுகள் இலவச சிகிச்சை தர  ஆணையிட்டது. அந்த மருத்துவம்னை வளாகத்தில்தான் நினைவுச்சின்னம் உள்ளது. ” ஹோப் அண்ட் ஹோமேஜ் ” என்ற ஆங்கில எழுத்து  வரிகள் மின்னிக் கொண்டிருக்கிறது.நம்பிக்கை  பலவீனமாகிக் கொண்டிருக்கிறது. பெரும்பான்மையோருக்கு ரூபாய் 25 ஆயிரம் முதல் 50 ஆயிரம் வரைதான் இழப்பீடு தரப்பட்டிருக்கிறது.

                  விபத்து நடந்த அடுத்த ஆண்டு “ போபால்  விச வாயு கசிவுச் சட்டம் “ ஒன்றை மத்திய அரசு நிறைவேற்றி யூனியன்கார்படிடுடன் பேச்சு வார்த்தை நடத்தியதில் ரூ1750 கோடியை இழப்பீட்டு வைப்புத் தொகையாக  அளிக்கத் தயாராக இருப்பதாகத் தெரிவித்தது. ஆனால்   அமெரிக்க மேல்முறையீட்டு நீதிமன்றமும் வழக்கு இந்தியாவில்தான் நட்த்தப்பட வேண்டும் என்று தீர்ப்பளித்தது.இந்திய அரசு இரு மடங்குத் தொகையைக் கேட்ட்து. ஆனால் அதில் 15% தந்து நிர்வாகம் விலகிக் கொண்டது. பல்வேறு தன்னார்வக் குழுக்கள் நீதிமன்றத்தை அணுக 2010ல் தொழிற்சாலையின் இயக்குனர், செயல் தலைவருக்கு 2ஆண்டுகள் சிறை தண்டனை தந்தது. உடனே அவர்கள் பிணையில் வெளிவந்து விட்டனர். மேல்முறையீடு நடந்து கொண்டிருக்கிரது இன்னும். அந்த்த் தீர்ப்பில் அதன் நிறுவனத்தலைவர் வாரன் ஆண்டர்சன் பற்றி ஒரு குறிப்பு இல்லை. அமெரிக்க யூனியன் கார்பைடு நிறுவனம்  தன்னைக்குற்றவாளியாக்க இந்திய அரசுக்கு அதிகாரம் இல்லை என்று நிராகரித்தது. வாரன் ஆண்டர்சன் மீது உயிர்ப்படுகொலைக்காக வழக்குமன்றம் பின் 10 ஆண்டு சிறை வழங்கினாலும் அவர் ஆஜராகாததால் தப்பியோடியக் குற்றவாளி என்றும், இந்திய அரசு அவரை இந்தியாவிற்கு கொண்டு வர முயற்சி எடுக்க வேண்டும் என்று சொல்லி விட்ட்து. ஆண்டர்சனை ஒருமுறை கைது செய்து பின் மத்திய அரசு அவர் தப்பிப் போக வழிசெய்தது. உச்சநீதிமன்ற வழக்கொன்றும் கிடப்பிலேயே உள்ளது.பாதிக்கப்பட்டவர்களுக்கான  நிவாரணத் தொகை சொற்பமாகவே இதுவரை கிடைத்துள்ளது.      

   போபால் பேரழிவு பற்றி 1991 ல் மகேஷ் மதாஷ் என்பவரின் இயக்கத்தில் ஒரு படம் வெளியாகியிருக்கிறது. பல ஆவணப்படங்கள் வெளிவந்திருக்கின்றன.

போபால் பேரழிவின் முப்பதாவது ஆண்டை நினைவுபடுத்துகிற விதமாய் ரவிகுமாரின் இயக்கத்தில் ” போபால்: ஏ பிரேயர் பார் ரெயின் “ என்ற திரைப்படம் வெளிவந்திருக்கிறது. யூனியன் கார்படு தொழிற்சாலையின் முக்கியஸ்தரான ஆண்டர்சன்  சென்றாண்டு இறந்து போனதால் இப்படம் வெளியாவதில் இருந்த தடைகள் நீங்கியிருந்தன.  திலீப் என்ற ரிக்‌ஷா தொழிலாளிக்கு  யூனியன் கார்பைடு தொழிற்சாலையில் வேலை கிடைக்கிறது.அந்த ஆலைக்குள்  நடக்கும் விபத்து காரணமாக பணியாளர் ஒருவர் இறந்து விட  அந்த வேலைக்கான எந்தத் தகுதியும் இல்லாவிட்டாலும் அவனுக்கு அந்த வேலை கிடைக்கிறது. பல அப்பாவிகள் முன்னமே வேலைக்குச் சேர்ந்திருக்கிறார்கள். அதேபோல் அவனுடனும் சிலர் சேர்கிறார்கள்.  அவனின் சகோதரியின் திருமண நாளில் கசியும் விச வாயு கசிவு காரணமாக திருமண விழாவுக்கு வந்த பலர் செத்து விழுகிறார்கள். கண் எரிச்சல், உடல் உபாதைகளால் பலர் கழிவு நீர் குட்டைகளுக்குள்  விழுந்து செத்துப்போகிறார்கள். மருத்துவமனைகளில் பிணக்குவியல். சாலைகளில் பிணக்குவியல்.வாந்தியும், பேதியுமாய் செத்து விழுபவர்கள் பலர்.. தொழிற்சாலையில் ஏற்படும் சிறு அளவிலான பழுது கண்டு பிடிக்கப்படுகிற போது மேலாளர் வெளியே சொல்லாதே . வேலை போய் விடும் என்று மிரட்டி விடுகிறான்.சாதாரண ஏழையான திலீப் தன் வாழ்க்கையை கார்பைடு தொழிற்சாலை வேலை மேம்படுத்தும் என்ற கனவில் இருந்தவனுக்குப் பேரிடி.. vissவிசவாயு கசிவு எவ்வித பராமரிப்பும் இல்லாமல் ஆலை ஆபத்தான நிலையில் இருப்பதை கண்டு உள்ளூர் பத்திரிக்கையாளனிடம் சொன்னாலும் அதை பத்திரிக்கை எச்சரிக்கையாக்குவதற்கு முன் விபத்தும் நிகழ்ந்து விடுகிறது. திலீப் இந்த செய்திகளை முன்னம் உள்ளூர் பத்திரிக்கையாளன் மோத்வானிக்குச் சொல்லியிருக்கிறான்.  மோத்வானி விசாரிக்கையில் கார்பைடு ஆலையில் நடக்கும் பல் முறைகேடுகள் தெரிய வருகின்றன. எழுதுகிறார். தொழிற்சாலையைப் பார்வையிட வரும் ஆண்டர்சன் நஷ்டத்தில் இயங்கிக் கொண்டிருப்பதை மாற்ற முயல்கிறார். அரசியல்வாதிகளை கைக்குள் வைத்துக் கொண்டு வேடிக்கை பார்க்கிறார்.      ” பாதுகாப்பு கெடுபிடிகள் எங்கள் நாட்டில் அதிகம் என்பதாலேயே இந்தியாவில் இந்தத் தொழிற்சாலையை அமைத்தோம். இவ்வளவு பாதுகாப்பு கெடுபிடிகள் இங்கும் என்றால் இங்கு அமைக்க வேண்டியதில்லையே “ என்கிறார். இப்படத்திலும் வாரன் ஆண்டர்சன் சற்றே மனிதாபிமானம் உள்ளவராகவும், கடின உழைப்பாளியாகவும் காட்டப்பட்டிருக்கிறார். திலீப்பின் குடும்பத்தைச் சார்ந்தே படம் இயங்குகிறது. விபத்துக்கும் முன் தொழிற்சாலை நடவடிக்கைகளும்  சிறுசிறு விபத்துகளும் அதிர்வுடன் காட்டப்பட்டுள்ளன. விபத்திற்குப் பின் சொல்லப்பட்ட விசயங்கள் குறைவாகவே இருக்கின்றன.வாரன் ஆண்டர்சன், அரசியல்வாதிகள் மீதான விமர்சமும் குறைவாகவே இருக்கிறது. பலியானவர்களுக்கோ, பாதிக்கப்பட்டவர்களுக்கோ கிடைக்காத அநீதி பற்றி அதிகம் இப்படம் பேசவில்லை. என்பது குறைதான். ஆனால் இன்றைய தலைமுறை இப்பேரழிவை அறிந்து கொள்ள இப்படம் ஆதாரமாக அமைந்துள்ளது.போபால் மக்களின் வாழ்க்கையோடு வெகு நெருக்கமாக அப்படம் இல்லை. ஆனால் போபால் பற்றிய உண்மைகளைக் கொண்டிருந்த படம்.

மத்திய பிரதேச முதல்மந்திரி 30 ம் ஆண்டு நினைவை ஒட்டி அரசு ஏற்பாடு செய்திருந்த கூட்ட்த்தில் பேசும் போது                            “பாதிக்கப்பட்டவர்களின் குரலை சரியாகப் புரிந்து கொண்டுள்ளோம் “ என்று பேசினார்.பாதிக்கப்பட்டவர்களின் ஈனக்குரலினைச் சொல்லும் படம் இது.

  கூட்டம் நடந்த் இடத்திற்கு மேற்பகுதியில் ஒரு ஏரி தென்பட்டது. சென்ற போது ஏரியின் மீது ஒரு அம்மன் கோவில் தென்பட்டது.. அம்மன் கர்ப்பகிரகத்தைச் சுற்றிலும்  இரும்பு கம்பி பார்டர் . அதில் வேண்டுதல் போன்று சிறு சிறு துணிகள் கட்டப்படிருந்தன. அதில் பிளாஸ்டிக் பைகளும் நிறைய கட்டப்பட்டிருந்தன. சிறு துண்டுத்துணிகளுக்கு மாற்றா அவை. நேர்த்திக்கடனுக்கு பிளாஸ்டிக்கும் வந்து விட்டது  தெரிந்தது.  நடந்த களைப்பு  தீர  கால்களை நீட்டி உட்கார்ந்திருந்தேன். கால்கள் அம்மன் இருக்கும் திசையில் இருந்தன. உடல் ஊனமுற்றவன் ஒருவன்   என்னைப் பார்த்து முறைத்தான். அவனை கோவிலைச் சுற்றிப்பார்த்தபோது கவனித்திருந்தேன். இரு கைகளையும் சேர்த்து கடவுளை நோக்கி கூப்ப முடியவில்லை.. கைவிரல்கள் சேர சிரமப்பட்டன. நான் கால்களை நீட்டி உட்கார்ந்திருந்ததை அவன் ஆட்சேபிப்பது தெரிந்தது. கால்களைக் குறுக்கிக் கொண்டு உட்கார்ந்து விட்டேன்  அந்த ஏரியிலிருந்து சிறு செம்பில் நீர் மொண்டு கொண்டு வந்து பலர் அம்மன் மேல் விடுவது தெரிந்தது. உடம்பும் முகமும் கோண அவனும் தண்ணீர் கொண்டு வந்து விட்டான். கோபத்தில் என்தலையில் ஊற்றி விடுவானோ என்ற பயம் இருந்தது  அவனுடன் மெல்ல பேச்சு கொடுத்தேன். முப்பாதாண்டுகளுக்கு முன் அவன் சிறு குழந்தையாக  இருந்திருக்கிறான. ” விச வாயுவால் பாதிக்கப்பட்ட்வன் நான். என் வீட்டில் இருவர் இப்படி. எல்லா வீடுகளிலும்  யாராவது இருக்கிறார்கள் என்னைப் போல் ஊனத்துடன் “

           போபாலில் பலரைக்கவர்ந்த இடம் ஹனுமன் கஞ்ச்.  அங்கு ஹனுமன் கோவில் கட்டப்பட்டது குறித்த ஒரு கதை உள்ளது. பேகம் ஹாஜகான் ஆட்சி காலத்தில் நடந்ததாம் .  கமால்மகராஜ் என்ற சாமியார் ஒரு ஆலமரத்தடியில் இருந்து கடவுள் வழிபாடு செய்து வந்தாராம். வழிபாட்டின் போது சங்கு ஊதுவாராம்.அது பேகம் அவர்களுக்கு தொந்தரவு தந்திருக்கிறது. அவரைக் கொல்ல ஆணையிட்டிருக்கிறார்.  படை வீரர்கள்  அவரைத் தேடிப் போன போது அவர் இறந்து கிடந்திருக்கிறார்.  ஆனால்  வழிபாட்டு நேரத்தில் சங்கொலி கேட்டுக் கொண்டே இருக்கிறது. படைவீரர்கள்  அவர் உடலை வெட்டி பிய்த்துப் போட்டு விடுகிறார்கள்.அதன் பின்னும் சங்கொலி கேட்கிறது.

        யூனியன் கார்பைடு தொழிற்சாலையில் நடந்த அந்த விபத்தின் போது உடனடியாக எச்சரிக்கை ஒலிப்பான் ஒலித்திருக்க வேண்டும். ஒலிக்கவில்லை. அது அணைத்து வைக்கப்பட்டிருந்த்தாம்.

  இப்போது சொல்லப்படுவதெல்லாம் செவிடன் காதில் ஊதப்படும் சங்கின் ஒலியாகத்தான்  இன்றைக்கு இருக்கிறது..தங்கள் முதுகிலும் மனதிலும் பிணங்களைச் சுமந்து கொண்டு ஊர் முழுக்க பலர் சபித்தபடி திரிந்து கொண்டிருக்கிறார்கள்.செத்துப் போன சவங்களின் விலை சொற்பமாகத்தான் இருக்கிறது.

subrabharathi@gmail.com  / 8-2635 pandian nagar, tiruppur  641 602

” சப்பரம்  “ இப்போது மறுபதிப்பில்..

என்சிபிஎச் வெளியீடு

சுப்ரபாரதிமணியனின் ” சப்பரம்” நாவல் வெளியீடு:

    “ நெசவாளர்களுக்கு போதிய சமூக பாதுகாப்பு இல்லை. சமூக பாதுகாப்பு பெற அவர்கள் போராட வேண்டும்  “

        ” காலம் காலமாக நெசவாளர்கள் தனியார் முதலாளிகளிடம் கூலி நெசவு செய்து வருகிறார்கள். அவர்களிடம் அவர்களுக்கு தொழிலாளி என்ற அந்தஸ்து கூட இல்லை.அவர்களுக்கு போதிய சமூகப் பாதுகாப்பு இல்லை. அதைப் பெற அவர்கள் போராட வேண்டும்.

 “ என்று திருப்பூரில் நடந்த நாவல் வெளியீட்டு விழாவில் எழுத்தாளர்கள்  தெரிவித்தனர்.

திருப்பூர் எழுத்தாளர் சுப்ரபாரதிமணியனின்   ” சப்பரம் “ என்ற நாவல் வெளியீட்டு விழா பெருமாநல்லூர் சாலை    ” முயற்சி “ அலுவலகத்தில் ஞாயிறு மாலை நடைபெற்றது. கவிஞர் ஜோதி தலைமை  தாங்கினார்,       ” சப்பரம் “ நாவல் திருப்பூர் பகுதி நெசவாளர் குடும்பத்தை மையமாகக் கொண்டு எழுதப்படிருந்தது.( சென்னை காவ்யா பதிப்பகம் வெளியிட்டுள்ளது விலை ரூ100)   நாவலை வெளியிட்டு கலால் சேவை வரித்துறை ஆணையர் ஏ.கே.ரகுநாதன் IRS -அய்.ஆர்.எஸ் ( ஓய்வு ) பேசுகையில் ” திருப்பூரில்  பனியன் தொழில் நிறுவப்படுவதற்கு    முன்பு நெசவுதான் பிரதான தொழிலாக இருந்தது. ஒரு லட்சத்திற்கும் அதிகமானோர் நெசவில் ஈடுபட்டிருந்தனர். ஆனால் உணவு, கல்வி,  மருத்துவம் என்று அவர்களின் தேவை நிறைவேற்றப்படாததால் அவர்கள் பனியன், பவர்லூம் என்று சென்று விட்டனர்.” என்றார்.நாவலின் முதல் பிரதிகளை பாரதிவாசன்( பதியம்), தமிழ்ச்செல்வி          ( சமூகநீதிப்பதிப்பகம்) , செ. நடேசன் ( தமிழ்நாடு ஆசிரியர்கள் சங்கம்-முன்னாள் மாநில செயலாளர் ) ஆகியோர் பெற்றுக் கொண்டனர்.

   நாவலை அறிமுகப்படுத்திய கவிஞர் ஜோதி                “ ஒவ்வொரு ஜாதிக்கும் ஒவ்வொரு தொழில் இருந்தது. ஆனால் எல்லா ஜாதிகளும் செய்யக்கூடிய தொழிலாகும் நெசவு என்பது. நெசவாளர்களில் செட்டியார்கள், முதலியார்கள், குயவர்கள், வண்ணார், நாவிதர் ., வலையர் என்று எல்லா ஜாதி பிரிவினரும் செய்த தொழிலாக ஜாதி வேற்றுமை இல்லாததாக இருந்த தொழில் நெசவு.. அது நசிந்து விட்ட்து “ என்றார்.    

              ஏற்புரை நிகழ்த்திய நாவலாசிரியர் சுப்ரபாரதிமணியன்: “   காலம் காலமாக நெசவாளர்கள் தனியார் முதலாளிகளிடம் கூலி நெசவு செய்து வருகிறார்கள். அவர்களிடம் அவர்களுக்கு தொழிலாளி என்ற அந்தஸ்து கூட இல்லை.அவர்களுக்கு போதிய சமூகப் பாதுகாப்பு இல்லை. அதைப் பெற அவர்கள் போராட வேண்டும். சொசைட்டியில் நெய்யும் நெசவாளிகள் குறைவாகவே இருக்கிறார்கள். சொசைட்டிகள்  பெரும்பாலும் ஊழல் மயமாகவும், அரசியல்வாதிகளின் பிடியிலும் உள்ளன. அண்ணா, கலைஞர் போன்றவர்கள் அவர்களின் ஆட்சி காலத்தில்  தோளில் கைத்தறி துணிகளைப் போட்டு விறப்னை செய்து முன்னோடிகளாக இருந்தனர். தொழிலாளி அந்தஸ்து, உரிமைகள் பெற  நெசவாளர்களின் ஒன்றுபடுதலும் போராட்டமும் தேவை. அப்போதே அவர்களுக்கு ஓரளவு சமூக பாதுகாப்பு கிடைக்கும்.உலகமயமாக்கல் கைத்தறி நெசவு போன்ற புராதன தொழில்களை ஒழித்துக் கொண்டு வருகிறது.இயந்திரமயத்தில் அவர்கள் காணாமல் போய்க் கொண்டிருக்கிறார்கள் பெட்ஷீட், ஜமுக்காளம், பாய் முடைவோர், பட்டு, கோரா, பம்பர் நெய்பவர்கள் எல்லோரும் நெசவாளர்களே. ஆனால் பெட்ஷீட், ஜமுக்காளம், பாய் நெய்பவர்கள் வறுமையின் கோட்டின் கீழ்தான் இருக்கிறார்கள். பட்டு, பம்பர்கோரா கைத்தறியில் நெய்பவர்கள் நிலையான வருமானம் கொண்டவர்களாக இருப்பது ஆறுதல் தருகிறது. 1 கோடி பேர் படித்த இளைஞர்கள் வேலையில்லாமல் இருக்கிறார்கள். ஆனால் கைத்தொழிலை சொந்தத் தொழிலாக கொண்ட குடுமப்ங்களில் இந்த அவலம் இல்லை.  அது நெசவோ, மர வேலையோ.... எம்பிஏ படித்தவன் 5,000 ரூபாய்க்கு அலைய வேண்டி உள்ளது. நெசவாளர் வீட்டுப்பையன்  சுலபமாய் அதை விட 4 மடங்கு சம்பாதித்து விடுவான். ஆனால் நெசவாளி அவனது மகனை  நெசவாளி ஆக்க விரும்புவதில்லை. நெசவுத்தொழில் சரியான ஆட்கள் இல்லாமல், புதிய தலைமுறையினரின் ஆர்வம் இல்லாமல் ஒதுங்கிக் கிடக்கிறது. நெசவாளி சம்பாதித்து குழந்தைகளை மருத்துவர், பொறியாளர் ஆக்குகிறான். ஆனால் நெசவாளன் குடும்பத்துக்கு பெண் தர விருப்பமிருக்காது பலருக்கு. படித்தவன் கணிசமான வருமானம் இருந்தாலும் நெய்வதில்லை. வீட்டில் எல்லோரும் சேர்ந்து செய்தால்தான் தொழில் நடக்கும். தனியாள் வேலையாக அது இல்லை..” என்றார்

   கருணாமனோகரன் எழுதிய “ சாதி-வர்க்கம்-தேசியம்” நூல் பற்றி செ, நடேசன், தமிழ்ச்செல்வி ஆகியோர் பேசினர். கருணாமனோகரன் திருப்பூரில் வாழ்ந்து மறைந்த மார்ச்சிய சிந்தனையாளர். அவரின் 7 நூல்களை சேர்த்து கோவை சமூக நீதிப் பதிப்பகம்“ சாதி-வர்க்கம்-தேசியம்”  என்ற நூல் வெளியிட்டுள்ளது.( ரூ 400 விலை ) முன்னதாக கனல்மதி,பாரதிவாசன், சிவதாசன், ரகுசெல்லம், ரத்தினமூர்த்தி , மதுராந்தகன்,அரசபாண்டியன் ஆகியோர் கவிதைகள் வாசித்தனர். கல்வி மேம்பாட்டுக்குழுத் தலைவர் காங்கயம் சு.மூர்த்தி         “ போபால் கல்வி யாத்திரை “ என்ற தலைப்பில் பேசினார். கேபிகே செல்வராஜ் ( முத்தமிழ்ச்சங்கம்), சிதம்பரம்( முயற்சி ), குமார் ( தமிழ் வளர்ச்சித் துறை ) ஆகியோர் முன்னிலை வகித்தனர். பழ,விசுவநாதன் நன்றி கூறினார்.

விலங்குகள் பற்றிய நினைவுகளோடு  குழந்தை மனம் கொண்டவர்களும்

 பூனார்த்தி – இறையன்புவின் சிறுகதைத் தொகுப்பு

 ---------------------------------------------------------------------

                                   சுப்ரபாரதிமணியன்

    இறையன்புவின் மொத்த சிறுகதைகளின் இயல்பை  தத்துவதரிசனங்களால் மனிதர்களின் வாழ்க்கையை வளப்படும் செயல்கள் பற்றிய எண்ணங்கள்,விலங்குகள் மீதான கரிசனம், முதியோர்களின் உலகம், காதல் வாழ்க்கை, குடும்ப வாழ்க்கையின் கீறல்கள் என்று சிலவற்றை வடிவமைத்துக் கொள்ளலாம். இந்த சட்டகத்தினையே இறையன்புவின் பூனார்த்தி சிறுகதைத் தொகுப்பிலும் காண நேர்ந்தது. எளிமையான கதைகள், செய்திகளைச் சொல்லும் இயல்பில் பூடகத்தன்மை, தீவிரமான அனுபவங்களைச் சொல்கிறபோதும் வெகு இறுக்கமானகதை சொல்லல் பாணியையும் வாக்கிய அமைப்புகளையும் கொண்டிராமல் எளிமையாகவே சொல்லும் இயலபு ஆகியவற்றையே அவரின் சிறப்புத்தன்மை என்று சொல்லலாம். தத்துவார்தத நெறிகளை நெறிப்படுதும் செயல்கள் , எண்ணங்களை முதன்மைப்படுத்துகிறார்.  உலக நெறிகளைச் சுட்டிக் காட்டி நமக்கு வாய்க்கும் அனுபவங்களின்  மூலமான  அனுபவத் தெளிவிற்குக் கொண்டு போகிறார். அதிலும் அற்றிணை உயிர்களையும் தத்துவ நெறிக்குள் உட்படுத்து படைப்பு எண்ணங்களை இவரிடமிருது பெறும் போது அவை மனிதர்களுக்கானது என்றே தோன்றுகிறது. தத்துவார்த்த நெறிகளை தாவரங்கள், பிராணிகள், பறவைகள் போன்றவற்றின் இயல்புகளோடு சில சம்பவங்கள், உரையாடல்களைக் கொண்டு வடிவமைத்து கதைகளையும் சொல்லியிருக்கிறார். பறவைகள், பிராணிகள் மூலம்  சிக்கல்களை எதிர்கொள்கிற மனிதன் வாழ்க்கையிலிருந்து கற்றுக் கொள்வதற்கான வழிகளைச் சொல்கிறார். அவற்றை உருவகக் கதைகள் என்று வைத்துக் கொள்ளலாம். உலகப்பொது நியதிகளை மனிதர்கள் மேலேற்றிச் சொல்வதை விட பறவைகள், பிராணிகள் மேலேற்றி சொல்வதில் நிறைய சவுகரியங்கள் இருக்கின்றன. பிரச்சாரத் தொனி அத்ற்குள் உள்ளடங்கிப் போகும். குழந்தைகள், இலைஞர்களுக்கான பல செய்திகளை அழுத்தமாகவும் முன் வைக்கலாம்.  ஆனால் யதார்த்த அனுபவக்கதைகளில் அவர் கொள்ளும் பயணம் வேறு வகையிலானது.( பயணங்களை அடிப்படையாகக் கொண்ட கதைகள் நிறையவும் எழுதியிருக்கிறார் என்பதும் இன்னொரு தகவல் ) இதில் உள்ள        விடுதலைக் கதையில் கொடுமைப்படுத்தப்படுத்தப்பட்ட ஆடுகள். அவற்றை பல சம்யங்களில் தவற விட்டுவிடுகிற ஆட்டிடையன். அதனால அவனுக்கு ஏற்படும் மன உளைச்சல்  ஆனால் எல்லாவற்றுக்கும் ஒரு எல்லை உண்டல்லவா.  கொம்பு முளைத்த ஆடுகள் மனிதர்களை முட்டித்தள்ளி தங்கள் கோபத்தை வெளிக்காட்டிக் கொள்கின்றன.மனிதர்கள் கைக்கொள்ள வேண்டிய  விடுதலை உணர்வும், கட்டுக்களிலிருந்து தங்களை விடுவித்துக் கொள்ள வேண்டிய அவசியத்தையும் ஒரு வகையில்  குறியீட்டுதன்மையோடு இக்கதை வெளிப்படுத்துகிறது. கல்விகற்றுக்கொடுக்கிறவர்கள், ஆசான்கள் இவர்களைப் பற்றிச் சொல்லும் வகையில் அவர்கள் நினைனிக்கப்படுதலை செய்யவேண்டும் என்பதை வலியுறுத்துபவர் அவர். புதிய தலைமுறைகளின் வழிகாட்டுதலுக்காகத் தூண்களாக அவர்கள் காட்டப்பட வேண்டும் என்பதில் உறுதியாக இருப்பவர். அந்த வகையில் சேவியர் என்ற வாத்யாரின் வாழ்க்கையை முன்வைக்கிறார். அவரின் சாவு கொண்டு வரும் நினைவுகளும் , ஆசிரியர் பணியின் சேவை மனப்பான்மையும் மெல்லிய இழைகளாக ஓடிக்  கொண்டே இருக்கிறது. நண்பர்களைப் பற்ரி நிறைய பேசுகிறார். நட்பு என்பது குடும்பச் சூழல்கள் போலவே போறிப் பாதுகாக்க வேண்டியது என்பதும் சாசுவதமாகிறது. கல்லூரி காதலுக்கென்றே கட்டமைகப்பட்ட ஸ்தலம் போலாகிவிட்டது. இதில் பிரிவு என்பதும் சகஜம்.  இந்த சகஜத்தை சகஜம் என்று ஏற்றுக் கொள்கிறார்களும் இருக்கிறார்கள். நவீன கலாச்சாரசூழல் இந்த சகஜசூழலை எப்படியோ கொண்டு வந்து திணித்து விடுகிறது. இந்த சகஜத்திற்குள் இருக்கும் சவுகரியங்கள் மாணவர்களின் வழ்க்கையை ஒரு வகையில்  வெகு இயல்பாக்குகிறது. வாழ்க்கையின் அடுத்த கட்டங்களுக்கு நகர்ந்து போகச் செய்கிறது. இதை கதைகளில் சொல்கிறார்.  உயிர்த்தெழல் போன்ற கதைகளில் மகனின்  மரணத்தை ஏற்றுக் கொள்ள முடியாத அப்பாவின் சோகம் தொற்றுகிறது. ஒரு தலைமுறை அப்படியும் இருந்துதான் பாசத்தை வெளிப்படுத்திக் கொண்டிருக்கிறது.  இன்றும் வெகுஜனதளத்தில் அதிகமாக எழுதிக் கொண்டிருந்தாலும் இலக்கிய இதழ்களில் இறையன்புவின்  படைப்புகள் வெளிவருவதில அக்கறை கொண்டிருக்கிறார் இறையன்பு அவர்கள்.  அந்த வகையில் தூரிகை என்ற இலக்கிய இதழின் பணி பற்றியும் அதன் தொடர்ந்த செய்ல்பாடுகள் பற்றியும் ஒரு சிறுகதை உள்ளது. அது நின்று போகிறது. வேறு ஒருவரின் கைக்குப்போகிறது. வேறொருவர் எடுத்து நடத்தி அதை ஆரம்பித்தவரிலிருந்து முரண் பட வேண்டுமா என்ற் கேள்வியும் எழுகிறது. இலக்கிய இதழ்களின் சிரமம், ஆனாலும் அதற்கான தனித்துவமான இடம் பற்றி   இக்கதை குறிப்பிடுகிறது எனலாம். சிறுபத்திரிக்கை சூழலில் இருக்கும் அரசியல் குழுக்கள், அவர்களின் செயல்படுகளின் மீதான விமர்சனத்தையும்  ஒரு வகையில் இக்கதை கோடிடுகிறது.   பூனார்த்தியில் கடுவன் பூனை உறவு நுணுக்கமாகச் சொல்லப்பட்டிருக்கிறது. தனிமையைத் தவிர்ப்பதற்காக பூனை  ஒரு உயிரி போல் செயல்படுகிறது.  மனைவி கர்ப்பமான சூழலில் அவளின் மூச்சிறைப்பிற்கு பூனையின் நடமாட்டம் ஒரு காரணம் என்பதை கண்டடைகிற கணவன் அதை அவளிடம் சொல்வதில்லை. அதன் மீதான் அவளின் அன்பு தொடர்ந்து கொண்டே இருக்கிறது.. பூனை பிரசவத்தில் இறந்து போகிறது. பூனை இறந்த்து பற்றி மனைவியிடம் அவன் சொல்வதில்லை.  பூனார்த்தியின் நினைவுகளோடு அவளின் குழந்தை வளர்வதைச் சொல்லும் கதை மிக உயர்ந்த சிகரங்களைத் தொட்டு  கதை சொல்லும் முறையிலும்,  நுணுக்கமானத் தன்மையிலும் தனித்து நிற்கிறது.  தியாகராஜன் கற்பகம் தம்பதிகள் 60 வயதைக் கடந்தவர்கள்.  ஆனால் மூளை வளர்ச்சியில்லாத ஒரு உயிரை  காப்பாற்ற வேண்டிய நிர்பந்தத்தை இயல்பாகவே ஏற்றுக்கொள்கின்றனர்.  அந்த இயல்பு அந்த முதிய வாழ்க்கையும், வயதின் முதிர்ச்சியும் கொண்டு வந்த வரப்பிரசாதங்களாக இருக்கிறது. இதை விவரிக்கும் போது எந்த இளைய மனமும் அவ்வகை சேவைக்கு தன்னை ஈடுபடுத்த விளையும் என்பதே இக்கதையின் நோக்கமாகவும் கூட கொள்ளலாம். குழந்தை மனங்களோடு வெகுளித்தனைத்தையும், வாழ்க்கையின் பிரச்சினைகளை எதிர்கொள்ளும் சாதாரண் மனிதர்களின் பாசமும் , நெகிழ்வு எண்ணங்களால்  சிந்தனைகளை நிறைக்கிறார். இந்த நோக்கங்களையோ, பல சமயங்களில்  சில செய்திகளையோ, தான் கண்டுணர்ந்த அனுபவங்களையோ இந்தக் கதைகளை மூலம்விரித்துச் சொல்வதில் சுவாரஸ்யமான  வாசிப்பும் படிப்பும் நோக்கமும் ஒருங்கே தட்டுப்படுகிறது.

( பூனார்த்தி – இறையன்புவின் சிறுகதைத் தொகுப்பு ரூ 80  விஜயா  வெளியீடு, கோவை)